ناكۆكى و رایا گشتى
رمهزان نسرهددین كێڤلى
ژ سروشتێ پهیوهندیێن حزبێن سیاسى ل ناڤخوهیا وهلاتهكى دا ب دو ئاراستهیێن جودا جودا دهێنه برێڤهبرن، ته ئاراستهیا ئێكێ ههڤكارى یه د ناڤبهرا حزبێن سیاسى دا بۆ دروستكرنا كهش و ههوایهكێ سهقامگیر حهتا كو رایا گشتى ههست ب دلنیابوون و ئارامیا سیاسى بكهن، دیسا ئارامیهكا دهروونى ب گشتى ل ناڤ خهلكى دورست بیت، ئاراستهیا دووێ ناكۆكیێن بهردهوامن، ئهڤه ژى بخوه كارهكێ سروشتى یه، چونكو ههبوونا ناكۆكیێن بهردهوام رامانا وێ ئهوه ههر لایهنهكێ سیاسى د بازنێ بهرژهوهندى و پرۆژێن خوهدا ناكوكه دگهل لایهنێن بهرامبهرى خو و گهلهك جاران بهرژهوهندێن ئهڤان لایهنێن سیاسی تێك دچن یانژى تێكهلى ئێك دبن لهورا بهرهف ئاراستهیا دووێ ڤه دچن كو ناكوكى نه..
ئهف ناكوكیه یان ل سهر هژمارهكا بهرژوهندا دروست دبن وهكو مه ل سهرى دیاركرى یانژى ل سهر بدهست ڤه ئینانا پوست و پایه و متمانه و باوهرى یا خهلكى یه و زورینا ناكوكیێن حزبێن سیاسى ب تایبهت ل كوردستانێ ل سهر هندێ یه كا كێژان لایهنێ سیاسى دێ ل سهر ههمى چهمكێن دهستههلاتێ و ئابورێ دهولهتێ زال بیت و گهلهك جاران ناكوكی دگههنه رادهیێ ئایدولوژى و ئاینى و نهتهوهیی و ئهڤه مهترسى ترین جورێ ناكوكیێ یه چونكه ژ قوناغا خو یا سروشتى دهێته ڤهگوهاستن بو قوناغهكا توند و تیژ دناڤبهرا پێكهاتێن جودا جودا و هندهك لایهنێن سیاسى ههنه ل ئهوان دهڤهرا و ل بن دهستههلاتا وان تهحهمولا ئهڤان ناكوكیان ناكهن و ئاراستهیاا ناكوكیان ژ دهڤهرهكێ ڤهدگوهێزنه دهڤهرهكا دى و رایا گشتى ل سهر كێشهیهكا دهستكرد دورست دكهن بو هندێ ئهو بهرهلایى یێن ل دهڤهرا وان ههین ئهگهر بو دهمهكێ كاتی ژی بیت بهێنه بێدهنگ كرن و ل ڤێره هندهك دروشمێن عاتفى دهێنه ئازراندن چونكه ئهوان د بنهما دا خاندنهك بو خهلكی كریه و دزانن ب چ رێك كارتێكرن لسهر ئهڤى خهلكى دهێته كرن لهورا ئهڤان دروشمان ب رێكێن جودا جودا چ راگههاندن بیت یان سوشیال میدیا و تورێن كومهلایهتى بن یان ب رێكا خرڤهبوونا ئهڤان ناكوكیان ژ دهڤهرێن خو دویر دكهن و ل جههكێ دى جورهكێ دی یێ ناكوكیێ دورست دكهن
ئهو ژینگهها ناكوكى تێدا دروست دبن ب تایبهت ژینگهها نافخو پتریا دهمى ژ ئهگهرێ ههبونا بوشایی و بهرهلایی یا سیاسى و یاسایى یه ل ئهوێ دهڤهرێ یان ئهوى وهلاتى و هندهك گروپ ههنه زالترن ژ دهستههلاتا دهولهتێ و خالهكا دی ئهوه كو كهتوارێ سیاسى یان هێز (تحكم)ـێ ب جورێ ناكوكیا دكهت و دبیت ل ئهوێ دهڤهرێ پتر ژ هێزهكێ ههبیت لهورا بهردهوام ناكوكى ههنه.
دبیت دورست كرنا ههڤپهیمانیێن سیاسى دناڤبهرا دوو لایهنان یان پتر ببیته هوكارێ هندێ كو رایا گشتى بهردهوام د ناكوكیان دا بن چونكه ئهو بابهتێن رێككهفتن لسهر هاتینه كرن یان ژى ئهو رێككهفتن بخو نه ب رازى بوونا وان لایهنێن سیاسى یه بهلكو بو قوناغهكێ یه ژبو هندێ پێگههێ خو پێ بپارێزن، ئهم دشێین بێژین چ ژ وان لایهنان باوهرى ب ناڤهروكا وان رێككهفتنان نینه تهنها بو ئارام كرنا رایا گشتى یه یان گهلهك جاران بهلانسا هێزێ دناڤبهرا لایهنێن سیاسى تێك دچیت دێ بهرهف ناكوكیان ڤه چن و نمونه لسهر ئهڤى بابهتى رهوشا پارێزگهها (سلێمانیێ) یه ب گشتى كو كاریگهریا خو لسهر رایا گشتى یا ههمى كوردستانێ كریه و ئهڤه مهترسى یه لسهر پێگههێ ههرێما كوردستانێ ژى چونكه ههولدانێن دهێنه كرن سلێمانى ببیته دهڤهرهكا ناكوكیێن ڤهكرى و وهلاتێن ههرێمى ژى مفای ژ ئهوێ بهرهلایی و ههبونا گروپێن جودا جودا ببینن لهورا دهستههلاتدارێن سلێمانیێ دێ ههمى ههولا دهن ئهگهر خو بو دهمهكێ كاتى ژى بیت كهش و ههوایهكێ دى ل دهڤهرهكا دى دروست بكهن بو هندێ بێدهنگیهك ل وێ دهڤهرێ دروست بیت بهلێ ئهڤه چارهسهریا بنهرهت یا ئهڤان ناكوكیان ناكهت بهلكو دێ قولتر لێ هێن.
