ئه‌ڤرۆ ڤیسته‌ڤالا یاریێن سه‌ر به‌فرێ دێ ل ڤێ قەزایێ هێتە گێران
ئه‌ڤرۆ نیوز، نه‌زوازد هلۆرى:
وه‌سا بریاره كو ئه‌ڤرۆ ل قه‌زا چومان یا سه‌ر ب پارێزگه‌ها هه‌ولێرێ ڤە ڤیسته‌ڤالا یاریێن ل سه‌ر به‌فرێ ب رێڤه‌بچیت كو تێدا كومه‌كا چالاكیێن سه‌ر به‌فرێ دێ تێدا هێنه‌كرن.
عومه‌ر چومانى، خودانێ كومپانیا Vikurdistan بو ئه‌ڤرۆ نیوز گۆت: (سالانه ڤیسته‌ڤالا یاریێن سه‌ر به‌فرێ ل قه‌زا چومان ب رێڤه‌دچیت چونكى رێژه‌یه‌كا زورا به‌فرێ دباریت و جهێن گونجاى هه‌نه، ئه‌ڤ ساله كومپانیا مه و سێ كومپانیێن جیهانى ب هه‌ڤكارى ل گه‌ل جهێن شوله‌ژێ دێ رابن ب ئه‌نجام دانا ڤیسته‌ڤالێ و هه‌موو به‌رهه‌ڤى هاتینه‌كرن و دێ كومه‌كا چالاكیان هێنه ئه‌نجام دان).
زێده‌تر گوت: (ڤیسته‌ڤال پشتى نیڤرو دێ ب رێڤه‌چیت، هه‌ر كه‌س دشێت پشكداربیت و جهێن تایبه‌ت بخوه بگریت، مه‌ره‌م تنێ ئه‌وه كو كه‌رتێ گه‌شتوگۆزار به‌ر ب پێشڤه ببه‌ین، نوكه هژماره‌كا زور یا یاریكه‌رێن ناڤخوه و ده‌رڤه ناڤێن خوه توماركرینه).
ڤیسته‌ڤال بناڤێ سكێ كوردستانێ دێ ل ده‌ڤه‌را بناڤێ سێ كانیان ل چومان ده‌مژمێر 2:00ێ پشتى نیڤرو ب رێڤه‌چیت.
