٥٩ کورد هاتنە دەستەسەر کرن
ئەڤرۆ نیوز، هۆشەنگ تاجر:
مەهدی بەهمەنی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو مەها بۆری ل ئیرانێ ٥٩ وەلاتیێن کورد ژ ئالیێ هێزێن ئێمناهیێ یێ ئیرانێ هاتینە گرتن و هەتا نها ژی چارەنڤیسێ وان دیار نینە و گۆت: (ژ بلی وان ٥٩ کەسان نێزیکی ٣٠ کەسێن دی ژی هاتبوونە گرتن لێ پاشی ب کەفالەت هاتینە ئازادکرن لێ چارەنڤیسێ ٥٩ گرتیێن دی یێن کورد ل ئیرانێ هەتا نها ژی دیار نینە).
ناڤهاتی ئەو یەک ژی دیار کر سالا بۆری هەری زێدە کورد ل ئیرانێ هاتبوونە گرتن کو هژمارا وان نێزیکی هزار کەسان بوو، نێزیکی سەد کەسان ژی هاتبوونە سێدارەدان و سزایێ سێدارەدانێ ل سەر چەندین کەسان ژی هاتیە سەپاندن.
