نیڤا جڤاکێ ئیرانێ نەشێن پێدڤیاتێن خوە دابین بکەن
ئەڤرۆ نیوز، هۆشەنگ تاجر:
قەهرەمان جەبرەئیلی نڤیسەرێ کورد ل رۆژهەلاتێ کوردستانێ بۆ ئەڤرۆ نیوز دیار کر کو پشتی سەپاندنا سزایێن ئابووری ژ ئالیێ ئەمریکا ڤە بهایێ کەلوپەلێن خوارنێ ٦٠ هەتا ٧٠% گران بووینە و ب تایبەتی نها گوشتێ سور ل ئیرانێ گەلەکێ گران بوویە و خەلک نەشێن وەکو بەرێ پێدڤیاتێن ژیانا خوە دابین بکەن.
ناڤهاتی راگەهاند کو سیاسەتا شاش یا ئابووریێ وەسا کریە کو باوەریا خەلکی ب حوکمەتێ نەمایە و ئەو یەک ژی بوویە ئەگەرێ هندێ کو بهایێ کەلوپەلێن خوارنێ رۆژ ب رۆژێ گرانتر ببیت و ل گۆر ئامارەکا وەزارەتا ناڤخوە یا ئیرانێ نها نێزیکی نیڤا جڤاکێ ئیرانێ نەشێن وەکو بەرێ پێدڤیاتێن خوە دابین بکەن.
