خانی دێ بۆ ھێنە ئاڤاکرن
سەرۆکێ لیستا برایەتی و پێکڤە ژیانێ ل جڤاتا پاریزگەھا نەینەوا بۆ ئەڤرۆ دیارکر کو لژنەک دێ ھێتە پێک ئینان ژ پاریزگەھا نەینەوا بۆ تەخمین کرنا زیانێن گەھشتینە وەلاتیان، ھەتا نوکە چەندین سەرەدان ھاتینە کرن بۆ وان دەڤەرێن ھاتینە رزگار کرن ژ دەستێن تیرۆرستان.
سەیدۆ چەتۆ سەرۆکێ لیستا برایەتی و پێکڤە ژیانێ گۆت ژی ھەر وەلاتیەکێ خانیێ وی ھاتبیتە پەقاندن دێ ل شوونا وی ئێکێ دێ بۆ ھێتە ئاڤاکرن، د ڤێ بەرنامەی دا کار دھێتە کرن داکو ب زووترین دەم خانی بھێنە ئاڤاکرن و خەلک ڤەگەرنە سەر مال و مولکێن خوە.
سەیدۆ چەتۆ ھەروەسا گۆت ل حردان و دوگری و سەنتەرێ ناحیا سنوونێ زێدەتر ژ ھزار خانیێن وەلاتیان ھاتینە پەقاندن، ھەروەسا لژنە دێ دەست ب کارێ خوە کەت دا کو دوبارە خانی بۆ وان بھێنە ئاڤاکرن.
