پهیوهندیێن پارتى و ئێكهتیێ دهربازى قووناغهكا دى بوون!
بهدرخان زاویتهیى
خۆیایه ئهڤه پتره ژ چار ههیڤان پارتى كهتیه دانوستاندنان ل گهل ئێكهتیێ بۆ پێكئینانا كابینا نوو یا حوكمهتا ههرێمێ و دانانا دهستهیا سهرۆكاتیا پهرلهمانى و كاراكرنا دامهزراوا سهرۆكاتیا ههرێمێ كو ئێكهتیێ نهك دانوستاندن دكر، بهلكو دڤیا پارتى شهرعیهتێ بدهته خیانهتا وان ل كهركووكێ و دهڤهرێن دى یێن كوردستانێ كرى و دوباره پۆستێ پارێزگارێ وێ پارێزگههێ بدهته دهست كهسهكێ گرۆپێ خاكفرۆشان و دیسا و ب فێل و شكاندنا پرهنسیپا پۆستێ سهرۆكاتیا كۆمارێ وهرگرتى و بهردهوام شهرێ دهروونى ل گهل خهلكێ كوردستانێ دكر و گهفێن دو ئیدارهیێ و شهرێ ناڤخوه ل بهر گوهێ خهلكی دا! لێ ئهو پیلانا وان دارێتى ل روونشتنا پهرلهمانى ل 18 شواتێ هاته ژناڤبرن و ئێدى پهیوهندیێن د ناڤبهرا پارتى و ئێكهتیێ چوونه د قووناغهكا نوو دا!!.
دێ چ روودهت؟! پشتى روونشتنا پهرلهمانى هاتیه ئهنجامدان و دهستهیا سهرۆكاتیێ هاتیه دانان بێى پشكداریا فراكسیۆنا ئێكهتیێ ل دووڤ دا ههر ئێكسهر پشتى كۆمبوونا سهركردایهتیا ڤێ حزبێ بهیانامهكا پرى گهف بۆ تێكدانا بارودۆخى و بێى حسابكرن بۆ بارودۆخێ كوردستان تێدا دهرباز دبیت بهلاڤكر و ل گهل ههلمهتهك ل راگههاندن و سۆشیال میدیا دهستپیكر كو ئهگهر تێكدان و فهوزا دروست بوو ل ههرێمێ و تایبهت ل پارێزگهها سلێمانیێ ئهو پارتى ئهگهره و ئهڤه دهرئهنجامێن روونشتنا پهرلهمانینه ئهوا ل 18 شواتێ هاتیه ئهنجامدان! ئاشكرایه كو خهلكێ كوردستانێ پشتى ڤان ههموو نههامهتى و قهیرانان قهد ئێدى رێ نادهت چ حزب و لایهن یاریان ب چارهنڤیسێ وى بكهن و ئێكهتیێ بخوه ژى شیانێن ڤێ چهندێ نهماینه، پشتى خیانهتا 16 ئوكتوبهرێ و ئهڤا ئێكهتى نوكه دكهت ب هاریكارى و پشتهڤانیا چهند ئهجیندهیهكێن ههرێمى و دهولى ب تنێ فشارهكه ل سهر پارتى دكهت داكو بابهتێ پارێزگارێ كهركووكێ و وهزارهتا داد وهك پاداشتێ خیانهتێ بۆ گرۆپێ 16 ئوكتۆبهرێ ئێكلا ببن!. ههر چهنده پارتى دهرگهه ل سهر ئێكهتیێ دانه ئێخستیه و پۆستێن وێ هێلاینه ڤالا حهتا د ناڤخوه دا رێك دكهڤن و خوه ئێكلا دكهن!. لێ ههموو جۆره خرابیهك و رهفتارهك ژ حزبهكا رابردویێ وێ زۆرێ خراب د ئێتهكرن و دوور نینه ئێكهتى بۆ فشار ئێخستن ل سهر گۆڕانێ رێكهفتنا دهباشان زیندى بكهت و ب فشارێن ئیرانێ رێگێریێ ل بزاڤا گۆڕان بكهت كو پشكدارى روونشتنێن پهرلهمانى نهبیت و بۆ پێكئینانا حوكمهتێ بكهڤیته ژێر فشارا و زێدهتر دهمى بكۆژن و رێ نهدهن زوو كابینه دروست ببیت!. ئهڤه د دهمهكیدایه كو نوكه بزاڤا گۆڕان رێكهفتنهك ل گهل پارتى ئیمزا كریه و ئهگهر پابهندى رێكهفتنێ نهبوو دێ تووشى ژناڤچوونهكا سیاسى بیت ل بهرامبهر وان بهلینن داینه خهلكى! بهرامبهر وێ چهندێ ژى كۆمهلا ئیسلامى پشكهكه ژ پیلانهكا مهزنتر بۆ دژایتیكرنا پێكئینا حوكمهتێ و تێكدانا بارودۆخى تایبهت یێ سلێمانیێ و ب تنێ رۆل دابهشكرن و رۆل گوهۆرینه! ههر چهنده پارتى حازرى و حساب بۆ ڤان ههموو پێشهاتا كرینه و پلان بۆ ژناڤبرنا ههموو پیلانان ههنه، لێ پێخهمهت پاراستنا كوردستانێ و ئێمناهیا وێ و خوهحازركرن بۆ ڤان پێشهاتێن ل دهڤهرێ ههیین د ههموو نهرمیهكێ نیشادهت ل بهرامبهر ڤان لایهنان، بهلێ قهد رێ نادهت بابهتێ حوكمهتا ههرێمێ و پرسا كهركووكێ و كێشێن ل گهل بهغدا پێكڤه بێنه گرێدان و قهد شهرعیهتێ نادهته وى بارودۆخێ نوكه ل وان دهڤهران ههیى!.
ل ڤێرێ ئهو راستیه ئاشكرا دبیت كو پارتهكا وهكى ئێكهتى نیشتیمانى سهرچاوێ ههموو كێشه و قهیرانن كوردستانێ بوویه ب درێژاهیا مێژوویێ و ئهو خیانهتا ڤێ حزبێ ل ئیرادا خهلكێ كوردستانێ كرى پشتى ئهنجامدانا ریفراندۆمێ و حهتا نوكه سهرشهقێن وێ خیانهتێ یێن دچن و د بهردهوامن قهد هو ب سهناهى ئاسهوارێن وێ خلاس نابن و خهلك ب سهناهى ژ بیر ناكهت! و پشتى خهلكى ئهو باوهریا مهزن دایه پارتى ل ههلبژارتنن پهلهمانێ عیراقێ و یێن پهرلهمانێ كوردستانێ و بوویه حزبا ئێكێ ل سهرانسهرى عیراقێ و كوردستانێ قهد ڤێ جارێ پارتى ئیراده و پشتهڤانیا خهلكى بۆ وێ ناكهته قوربانى رازیكرنا هندهك لایهنان و ل سهر كیستێ دهنگدهرێن خوه پۆستان بدهتێ و ئهڤ لایهنه ب وان پۆستان غهدر و خیانهتێ دوباره و سێ باره ل مێللهتێ كورد بكهن!! لهورا پهیوهندیێن پارتى و ئێكهتیێ دهربازى قووناغهكا نوو بوون و پرهنسیپێ ههلبژارتنان دبیته پیڤهر و خهلك دێ بریارێ ل سهر ههمیان دهت!!
