ئه‌ڤ نه‌ساخیێن ژنان ل ده‌ڤ كچێن بیست سالی ژی په‌یدادبن
ئەڤرۆ نیوز:
سه‌ره‌رای كو پتریا نه‌خۆشیان ژنان گرێدای ژیێ پشتی 30 سالیێ نه، ئانكو پشتی هه‌ڤژینیێ و بوونا زارۆیان، به‌لێ هنده‌ك نه‌خۆشیێن ژنان هه‌نه كچێن بیست ستالی ژی دگرن، یا باش ئه‌وه ب گرنگی وه‌ربگرن و چاره‌سه‌ربكه‌ن.
یا گرنگ ئه‌وه كچ سروشتێ له‌شێ خوه بزانن و هه‌ر گوهورینه‌كا لسه‌ر په‌یدابوو ئه‌و دێ زانن كو تشته‌ك ل له‌شێ وان هات و یا سروشتی نینه، زانینا وێ ل دور نیشانێن نه‌خۆشیان دێ ب ساناهی شێت ده‌ستنیشان و چاره‌سه‌ركه‌ت و كونترول كه‌ت.
ئه‌و نه‌خۆشیێن ژنان یێن كو تووشی كژان ژی دبن پێكهاتینه :
• ته‌نگه‌زاریێن عاده‌یا هه‌یڤانه: ئه‌و وه‌كو نیشانا نه‌خۆشیێ نه بو كچان، ژ ئه‌نجامێ ته‌نگه‌زاریێن حاله‌تێن ده‌روونی و قه‌له‌ویا زێده په‌یدادبن، هه‌تا ژ ئه‌نجامێ نه‌باشیا تیتالێن خوارنێ ژی، و دبنه ئه‌گه‌رێ ڤه‌برینا عاده‌یا هه‌یڤانه، یان كێم هاتنا خوینێ، هه‌روه‌سا ئێشانێن دژوار په‌یدادكه‌ن و هه‌كه ئه‌گه‌رێن وان هاتنه زانین ب ساناهی دێ چاره‌سه‌ربن.
• كیسێن هێكا: نه‌خۆشیه‌كا ژنان یا به‌ربه‌لاڤه دناڤ كچان دا، ئه‌گه‌رێن وێ گرێدای زكماكیێ و بێهێزیا به‌رگریا له‌شی و هه‌بوونا سستیه‌كێ د هورمونان دانه، ژ گرنگترین نیشانێن وێ زێده‌هاتنا موی یانه ل دێمی، خه‌موكی، په‌یدابووا پرسكێن گه‌نجاتیێ كو دشیاندایه بهێنه چاره‌سه‌ركرن داكو كارتێكرنێ ل زارۆبوونێ نه‌كه‌ن ل پاشه‌رۆژێ.
• هه‌ودانێن جهێن هه‌ستیار: پتریا جاران خوریان و لیرێن پیستی و زێده‌ده‌رهاڤێتنا شله‌یان دگه‌لدانه، ژئه‌نجامێ كێم پاقژیێ و ب كارئینانا جلكێن ناڤدا یێن نه‌باش و هه‌روه‌سا تراشینا موو یان ب رێیێن نه‌دروست و ب كارئینانا ده‌ستئاڤان ژی ل جهێن گشتی ئێك ژ ئه‌گه‌رانه، ئه‌و هودان دشێن بو مالبچووكی ژی بهێنه ڤه‌گوهاستن، له‌ورا یا گرنگه سه‌ره‌دانا نوشداره‌كا تایبه‌تمه‌ند بكه‌ی داكو چاره‌سه‌ریا ته ب دروستی بهێته كرن.
ژێدەر/ نۆش نیوز
