ب وێنە – باران و لەھیان خانیەک ل شێلادزێ خراپکر

ئەڤرۆ نیوز، نەوزاد ھلۆری:

ژ ئەگەرێ باران و دروستبوونا لەھیان ل سەنتەرێ ناحیا ش ێلادزێ و کومەگەھا سیریێ زیان ب چەند مال و رێیێن سەرەکی کەفتینە.

بێوار عەبدولعەزیز بەرپرسێ راگەھاندنا بەرەڤانیا باژێری ل دھۆکێ بۆ ئەڤرۆ نیوز گۆت: (ژ ئەگەرێ باران و دروستبوونا لەھیان ل سەنتەرێ ناحیا شێلادزێ مالا وەتی ئازاد عەبدولمەناف قەسرکی تووشی خراپبوونێ بوویە و زیانێن زۆر پێکەفتینە و ھەرفتیە).

زێدەتر گۆت: (ژبلی وی خانی ل کومەلگەھا سیریێ ژی ژ ئەگەرێ باران و دروستبوونا لەھیان زیان ب چەند جھان کەفتیە، دیسان رێیا سەرەکی یا کومەلگەھا سیریێ ئاڤ ب سەرکەفتیە، سوپاس بۆ خودێ تیمێن بەرەڤانیا باژێری بەرھەڤە و کار بۆ نەھێلانا زیانان دکەت و رێک ل بەر ئاڤێ ڤەکریە دا کو زیان ب وەلاتیان نەکەڤیت).

کۆمێنتا تە