حوكمهت واته چ؟
شهوكهت ئامێدی
حوكمهت واته دهسههلات، ئهو دهسههلاته ژی یان ب ڕێیا سندۆقێن دهنگان، یان ب پاشایهتی، یان سهددامی. دهمێ پارتێن ههرێما كورستانێ ب لایانهگر و دۆست و جڤاك ڤه دچنه ل سهر سندۆقێن دهنگدانێ. واته دهسههلات ب دهنگ و داخوازێن زۆرینه و وهفاداریهك ژ بۆ ئهوان پهیڤ و سۆزێن هاتینهدان، د دهمێ گهنگهشا دهنگدانێ دا، ئهڤرۆ ئێك ل سهر ههشتێ ژ چار سالن هاته كوشتن بێ مفا، واته زهرتر ژ ١٨٠ ڕۆژان دهربازبوون، هێشتا لایانێ زۆرینه نهشیایه حوكمهتێ دروستكهت، دا ئارامیهكا ڕامیاری و ئیكۆنوومی و دهرۆبی بكهڤیته ناڤ جڤاكێ.
ل دووڤ پڕهنسیپ و یاسا و ڕێسایێن نه بهس دیمۆكراتی، (چونكی د ڤان كاودانان دا و ب ڤێ ڕیڤهبهریێ، ئهم د دوورین ژ سیمایێن دیمۆكراتی) ههر ههلبژارتنهكێ، زۆرینه دێ دهزگههێ ئاساییش و سۆپا و ناڤخوه و تێكهلیێن دهرڤه ئێخیته بن دهسههلاتا خوه و ئهوێن دی دێ هێنه لێكڤهكرن ل دو ژمارا كورسیێن ههر پارتهكێ، ههروهسا كیژ پارت ژ بوو پارتا زۆرینه نێزیكتره، داخوازێن وێ دێ بهری ئهوانێن دی بن… هتد. ڤێجا شهراكهتا راستهقینه و دارخوازیێن ژ ژمارا كورسیان زهرتر و مهزنتر و درێژیدان ژ كۆمبوونهكێ بۆ ئێكا دی و ئهگهر ئهوا مه دڤیت نهبوو، دێ مهژی پهیاما خوه ههبیت و هتد. بهرێزان ئهڤه ههموو ئهگهرا كێم باوهری ب خوه و بهرانبهری خوهڤه ههیه و كوشتنا دهمیه و ڕێككهفتنهكا دهمووكی یه، ب كورتی ههر وهكی كهسانهك بچیته سهر دارهكێ و ئهو چهقێ دارێ ل بن پێن خوه ببڕیت. ئهگهر نه ههر پارتهكا نه ڕازی! ههوه خوازت و باشی و پێژڤهچوونا چاكسازیی و خوازتێن ملهتینیێ ههبن! ببنه ئۆپوزسیۆن و ئهو كێموكاسیێن دكهڤنه بهرچاڤان، ب ڕێیهكا كوردانه یا دلسۆز چارهسهركهن، بێگومان دێ دهنگدانێن داهاتی، زهرتر كورسیان بدهستڤهئینن.
ئهمما سهرڤهبرنا دهمی و داخوازا پۆست و پله و پاران، بێگومان ناڤ گوهۆرین تێدا نهبیت، هیچ تشتهك نینه ژ ففتی ففتی. ئهنجامێن وێ ژی خوهكۆژی و ب دههان سالان پاژڤهچوونا جۆلاندكا پێژڤهچوون و دیمۆكراتی.
گهر ئهڤ موماتهله و كوشتنا دهمی هاته قهبوولكرن، ل ڤێره پسیارهك دروست دبیت! پشتی سێ سال و شهش ههیڤێن دی، ئهگهر پارتهكا دی زۆرینه ب دهستڤهئینا، بێگومان پێدڤیه بكهڤینه د ههمان قڕێژ و گهڕاڤێن شێلی د پاشهرۆژێ دا! ئهرێ ما نهبهسسه. نێ دوست و دوژمن دزانن، ل سهر زارێ (كیخه عهبدوڵڵای بهرپرسێ ئهرشیفا براكوژیێ د ناڤ بزاڤا گۆڕان دا، ههتا نوكه ههوه (چارده هزار عهگیدێن یێ ل ئێكودو كوشتین، ههوه دلێ چارده هزار دایكان یێ سۆتی و برینداركری، چاك ژی بزانن، نه سهرا كوردینیێ یان وهڵاتپارێزیێ بوو، سهرا دهسههلات و لێكڤهكرنا عهرد و عهسمانێ كوردستانێ بوو).
ئهڤه ههموو ژی ژ ئهنجامێن پهروهردهكا سهقهت و نهبوونا سۆپایهكێ ئێكگرتی، ب هاریكاریا یهزدانێ مهزن د دهقا داهاتی، دێ ب هووری ل سهر پهیڤین.
