وه‌رگرتنا پێشينێن هه‌ڤژينى و خانوبه‌ران دێ هێنه پاشخستن
ئه‌ڤرۆ نيوز:
وه‌زاره‌تا دارايى و ئابوورى يا حوكمه‌تا هه‌رێما كوردستانێ وه‌رگرتنا پێشينا خانوبه‌ر و هه‌ڤژينيێ دێ پاش ئێخيت.
ليزا فه‌له‌كه‌دين كاكه‌ى، په‌رله‌مانتارا پارتى ديموكراتى كوردستان راگه‌هاند كو لژنا دارايى يا په‌رله‌مانێ كوردستانێ كۆم بوويه و راپۆرته‌ك پێشكێشى وه‌زاره‌تا دارايى كريه كو داخواز كريه ل ده‌مێ وه‌رگرتنا پێشينان وه‌لاتى زه‌ره‌رمه‌ند نه‌بن.
لزيا فه‌له‌كه‌دين كاكه‌ى هه‌روه‌سا راگه‌هانديه كو وه‌زيرێ دارايى “سۆز دايه” وه‌رگرتنا پێشينان بۆ ماوه‌كى پاش بێخن يان هه‌ر چنه بيت بۆ پشتى ره‌مه‌زانێ بهێته پاشخستن.
ئه‌وێ په‌رله‌مانتارا پارتى نه‌ڤه‌شارت ژى كو د راپۆرته‌كێ دا كو پێشكێشى ده‌سته‌يا ده‌ستپاكيێ كريه، داخواز كريه كو مووچێ پاشكه‌فتى و گيرۆبوويى بۆ فه‌رمانبه‌ران بهێته ڤه‌گه‌راندن ب ره‌نگه‌كى كو “هه‌يڤانه كۆژمه‌كێ پاره‌ى ئه‌وێ ل لايێ حوكمه‌تێ بچيته سه‌ر ژمارا بانكى يا مووچه‌خوران”.
