وەلاتیەکێ شێخان ب روودانەکێ ل ئەلمانیا جانێ خوە ژ دەست دا
ئەڤرۆ نیوز، بارزان مزووری:
ئەڤرۆ دەمژمێر٦ سپێدێ رێککەفتی ٨ی ئایارێ ٢٠١٩ی ل وەلاتێ ئەلمانیا باژێرێ برێمەن وەلاتیەکێ ئێزدی بناڤێ”جنیف حەسەن خدر” د روودانەکا ھاتنوچوونێ دا گیانێ خوە ژ دەست دا.
خەلات باعەدری، رۆژنامەڤان و چالاکڤانێ ئێزدی ل وەلاتێ ئەلمانیا بۆ ئەڤرۆ نیوز دیار کر ئەڤرۆ سپێدێ د روودانەکێ دا دناڤبەرا ترومبێلەکا بارھەلگر و ترومبێلەکا تایبەت ل باژێرێ برێمەن وەلاتیەکێ خەلکێ گوندێ شێخکا سەر ب قەزا شێخان ڤە بناڤێ” جنیف حەسەن خدر” دناڤ ترومبێلا تایبەت دا گیانێ خوە ژ دەست دا.
ناڤھاتی گوت ژی هەتا نھا مالباتا وان بریار نەدایە کا تەرمێ وی بۆ کوردستانێ دھێت ڤەگوھاستن یان دێ ل وی وەلاتی ھێتە ڤەشارتن.
