دووڤچوون دێ بۆ دامەزراندنا ساخلەمیا زاخۆ ھێتە کرن
ئەڤرۆ نیوز، عەلی حاجی:
د داخویانیەکێ دا ئەندامەکێ پەرلەمانێ کوردستانێ بۆ ئەڤرۆ نیوز دیارکر د کەرتێ ساخلەمیێ دا ل باژێرێ زاخۆ کێم و کاسیێن مەزنێن ھەین و ئەو پارەیێ دھێتە تەرخان کرن گەلەک کێمە.
زێدەتر بەختار شوکری گۆت: ئەو بودجەیا بۆ ساخلەمیا زاخۆ ھاتیە تەخان کرن گەلەکا کێمە ژبەر کو بتنێ ٨% ژ بودجەیا رێڤەبەریا گشتی یا ساخلەمیا پارێزگەھا دھوکێ بۆ باژێرێ زاخۆ ھاتیە تەخان کرن ئەگەر ئەم سەحکەینە ٣٠% یا زاخۆ ژ پارێزگەھا دھۆکێ پێک دھێت و ئەڤ چەندە ژی پێدڤی ب پێداچوونەکێ یە ل رێڤەبەریا گشتی یا ساخلەمیا پارێزگەھا دھوکێ و وەزارەتا ساخلەمیێ، زێدەباری ڤێ چەندێ ژی د بیاڤێن دکتورێن موقیمدا زاخۆ یا زولم لێ کریە و رێژەیا وێ گەلەکا کێمە و نەیا رەوایە ب شەڤێ نوشدارەک بتنێ ئامادە بیت بۆ چارەسەر کرنا نەخوشان ب تایبەتی بۆ باژارەکێ مەزنێ وەکو زاخۆ.
ناڤھاتی گۆت: وەکو لژنا ساخلەمیێ ل پەرلەمانێ کوردستانێ دا مە کومبونەک دگەل راوێژکارێ وەزارەتا ساخلەمیێ ئەنجام دایە و ئەم چاڤەرێ نە حکومەتا نوو یا کوردستانێ بھێتە پێکئینان دا کو ڤان داخازیێن زاخۆ بگەھیننە بەر دەستێ حکومەتا نوو دا کو ھەر چنەبیت رێژەیا دامەزراندنێ یا نوشدارێن موقیم زێدەتر بیت .
