چیروكا ل پشت روندكێن وه‌زیرێ به‌ره‌ڤانیا عیراقێ ئاشكرا بوو
ئه‌ڤرۆ نیوز،زنار توڤى:
ئه‌ڤ بابه‌ته ل ئاژانسا ئانادول به‌لاڤبوویه و تێدا هاتیه، خالد عوبێدى وه‌زیرێ به‌رگریێ عیراقێ ب سه‌ربازه‌كێ سه‌ربازگه‌ها رزگاركرنا میسلێ گوتیه: خێزانا من ژى ئاواره‌یێن ده‌ستێ داعشن.
ده‌مێ سه‌ره‌دانا وى بو میحوه‌رێ(مه‌خمور – گوێر) ب هه‌ڤالینیا ئوسامه نوجێفى جێگرێ سه‌روك كومارێ عێراقێ و ئه‌سیل نوجێفى پارێزگارێ میسلێ و سیروان بارزانى سه‌رپه‌رشتیارێ وى میحوه‌رى،و ه‌زیرێ به‌رگریێ عێراقێ خالد عوبێدى ل دوماهیك سه‌نگه‌رێ پێشمه‌رگه‌ى ل ده‌وروبه‌رێ گوندێ ته‌ل خێم ل نێزیك باژێركێ گوێر، ب دووربینه‌كێ ڤیا وان جهان ببینیت كو ل ژێر ده‌ستێ داعشێ دانه و ب ئاخا نه‌ینه‌وا بناڤ دبرن.
عوبێدى جلكێن سه‌ربازى یێن كه‌سك ل به‌ربوون، پوستال ژى ل پێ وى بوو، وه‌سا دیار دبوو ب ته‌مامى هزرا میسلێ بكه‌ت و جاره‌كادى ڤه‌گه‌ریته‌ڤه، به‌رى ته‌مام بونا سه‌ردانا وى،دڤیا بتنێ و چه‌ند مه‌تره‌كا دوور ژ روژناماڤانان بیت، به‌لێ ده‌رفه‌ت بو چێنه بوو. عوبێدى ل سالا 1958 ل میسلێ ژ دایك بوویه، دلگرانى یا وى بو باژێرێ وى یا دیار بوو، روندكێن چاڤێن وى نه‌دشیان ڤێ چه‌ندێ ب ڤه‌شێرن و زێده‌تر خه‌مبارى و بێ تاقه‌تى پێڤه یا دیار بوو،كو ده‌رئه‌نجامێ وێرانكرنا میسل بوو ژلایێ چه‌كدارێن داعشێ ڤه.
پشتى كو روژنامه‌ڤان لدویڤ دگه‌ریان،لێ عوبێدى ئاماده نه‌بوو هیچ لێدوانه‌كێ بده‌ت،به‌لێ چه‌ند روژنامه‌ڤانان وێنه وه‌كو بیرهاتن دگه‌ل گرتن،وى ژى وه‌كو په‌یكه‌ره‌كێ بێ گیان دالغه لێ ددان و ته‌ماشه‌ى گوشه‌یه‌كا به‌رپێن خوه دكر. عوبێدى دگه‌ل پتریا ئه‌وێن وێنه دگه‌ل گرتین چاڤێن خوه ژ وێ گوشه‌یا ته‌ماشه دكرێ ب ئاراسته‌یا كامیرێ وه‌رنه‌دگێرا، هندێ بێ تاقه‌ت بوو،چونكى وى دڤیا بتنێ دگه‌ل خه‌مێن خوه چه‌ند ساته‌كا بمینیت. پشتى روژه‌كێ ژ وێ سه‌ره‌دانێ، وى شاندى سه‌ره‌دانا سه‌ربازگه‌ها رزگاركرنا میسلێ ل نێزیك به‌رده‌ره‌ش كر و ل وێرێ وه‌زیرێ به‌رگریێ سه‌ره‌دانا چه‌ند جهێن مه‌شق و راهێنانا سه‌ربازان كر و ل ئێك ژ وان جهان سه‌ربازه‌كێ داخواز ژ وه‌زیرى كر له‌زێ بكه‌ن بو رزگاركرنا میسلێ و گوتێ: به‌رێز بارودوخێ مه زورێ خرابه و خێزانێن مه یێن ئاواره بووین،مه دڤێت زوو بگه‌رینه میسل و رزگار بكه‌ین،د به‌رسڤا وێ ئاخفتنا سه‌ربازێ عێراقى دا خالد عوبێدى گوتێ: خێزانا من ژى یا ئاواره بووى و مه ژى دڤێت ڤه‌گه‌رینه میسل، به‌لێ چاڤه‌رێى ده‌مى دكه‌ین.
خالد عوبێدى به‌كالوریوس ب ئه‌ندازه‌یا فروكێ ل یوگسلافیا وه‌رگرتیه و ماسته‌ر ب زانستا گه‌ردوونێ هه‌یه ل به‌لگراد و ماسته‌ره‌كا دى ژى ل كولیژا ئه‌ركانێ سه‌ربازى ل عێراقێ هه‌یه، ئێكه ژ كه‌سایه‌تیێن ب شیان دبوارێ سه‌ربازى دا و پشتى هاتیه دیاركرن وه‌ك وه‌زیرێ به‌رگریێ عێراقێ دكابینا حه‌یده‌ر عه‌بادى،دهێته پێشبینى كرن كو زوربه‌یا لایه‌نێن عیراقێ ژ كارێ وى درازینه.دگه‌ل هندێ كه‌سه‌كێ سه‌ربازیه، وى دكتورا ب زانستێن سه‌ربازى بده‌ست ڤه ئینایه،ده‌ست نیشانكرنا وى ب پله‌یا ئێكێ ژلایێ عه‌بادى ڤه بو وێ چه‌ندێ ڤه‌دگه‌ریت كو ئه‌و بخوه خه‌لكێ میسله،له‌ورا رولێ گرتنا وى باژێرى و ده‌رخستنا داعشێ دى بده‌ستێ وى بیت.
