ده‌زگه‌هێ بارزانى پێدڤیێن ناڤمالێ لسه‌ر كه‌سوكارێن شه‌هیدێن شه‌رێ داعش به‌لاڤكرن
ئه‌ڤرۆ نیوز، نه‌وزاد هلۆرى:
ب مه‌ره‌ما زێده‌تر خزمه‌تكرنا كه‌سوكارێن شه‌هیدێن شه‌رێ داعش، ده‌زگه‌هێ خێرخوازیێ بارزانى هژماره‌كا پێدڤیێن خوارن و ناڤمالێ لسه‌ر كه‌سوكارێن شه‌هیدێن شه‌رێ داعش ل سنوورێ ناحیا شێلادزێ دابه‌شكرن.
شه‌ڤگێر چێى، نوونه‌رێ ده‌رزگه‌هێ خێرخوازیێ بارزانى ل ده‌ڤه‌را ئامێدیێ بۆ ئه‌ڤرۆ نیوز گۆت: (ب مه‌ره‌ما زێده‌تر خزمه‌تكرنا كه‌سوكارێن شه‌هیدان و ب هه‌لكه‌فتا جه‌ژنا ره‌مه‌زانا پیروز، ئه‌ڤرۆ ده‌زگه‌هێ خێرخوازى بارزانى هاریكاری ل سه‌ر هه‌موو كه‌سوكارێن شه‌هیدێن شه‌رێ داعش ل سنوورێ ناحیا شێلادزێ دابه‌شكرن).
زێده‌تر گۆت: (هاریكارى پێكهاتبوون ل كه‌لوپه‌لێن خوارن و ناڤمالێ، پێشتر ژى چه‌ندین جاران هاریكارى ژلایێ ده‌زگه‌هێ بارزانى لسه‌ر كه‌سوكارێن شه‌هید و پێشمه‌رگه و هه‌ژاران دابه‌شكرینه، دێ به‌رده‌وام ژى بیت).