مەترسی ل سەر سوتنا بەرهەمێ گەنمێ جوتیارێن دەوروبەرێن مووسل نینە
ئەڤرۆ نیوز ،بارزان مزووری:
سیروان رۆژبیانی،جێگرێ ئێكێ یێ پارێزگەها نه‌ينه‌وا بۆ ئەڤرۆ نیوز گوت:ل ڤان دو رۆژێن بهێت كومبوونەك دێ هێت ئەنجام دان ل پارێزگەها نه‌ینه‌وا ل دور چەندین پرسێن گرنگ ئێك ژوان پرسا ژی كونترولكرنا هەر روودانەكا ئاگری یا نەچاڤەرێ كری بۆ سەر بەرهەمێ گەنمێ جوتیاربێن پارێزگەها نه‌ینه‌وا و دێ تیمێن دەزگەهێن ئیمناهیێ بۆ دەروبەرێن مووسل بەلاڤ كەین دا چاڤدێریا بەرهەمێ جوتیاران بكەن تاكو روودانا پارێزگەها كەركوك ل دەوروبەرێن مووسل ژی دوبارە نەبیت وهەر كەسێ ب كارێ سوتنا بەرهەمێ جوتیاران رابیت، دێ هێته دەستەسەكرن.
خویاكر ژى” هه‌تا نها چو مەترسیێن سوتنێ ل سەر بەرهەمێ جوتیارێن دەوروبەرێ مووسل نینن”.