فرۆتنا رەسیدێ وەرگرتنا گەنمێ جوتیاری هاتە قەدەغەکرن
ئەڤرۆ نیوز،بارزان مزووری:
ڤاهر محەمەد گاهر،رێڤەبەرێ چاندنا شێخان بۆ ئەڤرۆ نیوز گوت:ل دووڤ نڤیسارەکا فەرمی یا پارێزگەها دهۆكێ ئەم هاتینە ئاگەهدارکرن فروتنا رەسیدێ جوتیاری یێ وەرگرتنا بەرهەمێ گەنمی قەدەغەیە کو جوتیار ب فروشیتە کەسەکێ دی وهەر جوتیارەکێ وی رەسیدی ب فرۆشیت، دێ ناڤێ وی د پلانا وەرگرتنا گەنمێ وی ل سایلویێ هێتە دەرخستن ژپلانا ئەڤ سال و یا سالا بهێت.
خویاکر ژى” ئەو رەسیدێ جوتیاری ل دووڤ پلانا سالانە ناڤێ جوتیاری تێدا دهێت تومارکرن ل رێڤەبەریا چاندنێ کۆ د ئەڤ ساله دا جوتیار دێ چەند تەنێن گەنمی دەتە سایلویێ د دووڤ دا ئەڤ پلانە بۆ وەزارەتا بازرگانی ل بەغدا دهێته رەوانەکرن وئەو دێ رازيبوونێ ل سەر وی رەسیدی ده‌ت، دیسان بۆ سایلویێ هێته ڤەگوهاستن ئەو دێ ل دووڤ وێ هژمارا د رەسیدی دا هاتیە تومارکرن گەنمێ وی جوتیاری وەرگریت وهەر رەسیدێ جوتیارەکی ب ناڤێ وی یە وهەر جوتیارەکی ئەڤ رەسیدە نەبیت، نەشێت گەنمێ خوه رادەستێ سایلویێ بکەت.