ئێكه‌تى نه‌شيا بريارا دووماهيێ بده‌ت
ئه‌ڤرۆ نيوز:
مه‌كته‌با سياسى يا ئێكه‌تى نيشتمانى كوردستان ئه‌ڤرۆ پێنجشه‌مبى 6/6/2019 ل سلێمانيێ كۆمبوو وپه‌يڤدارێ وێ ژى راگه‌هاند پرسا پشكداريا ئێكه‌تيێ د رێوره‌سمێن سويند خواندنا سه‌رۆكێ هه‌رێما كوردستانێ تێدا هاته به‌حسكرن.
له‌تيف شێخ عومه‌ر، په‌يڤدارێ ئێكه‌تى نيشتمانى كوردستان ل دۆر ناڤه‌رۆكا كۆمبوونا ئه‌ڤرۆ يا مه‌كته‌با سياسى يا ئێكه‌تيێ بۆ رۆژنامه‌ڤانان راگه‌هاند” كۆمبوون يا تايبه‌ت بوو ب پرسا پشكداريا ئێكه‌تيێ د رێوره‌سمێن سويند خواندنا سه‌رۆكێ هه‌رێما كوردستانێ”.
گۆت ژى” پشكداريا ئێكه‌تيێ د وان رێوره‌سمان دا دمينيته ل سه‌ر پێشڤه‌چوونا گاڤێن رێككه‌فتنا مه ل گه‌ل پارتى ديموكراتى كوردستان”.
خوياكر ژى” به‌رهه‌م سالح يێ ئازاده د پشكداريێ يان نه پشكداريێ د رێوره‌سمێن سويند خواندنا سه‌رۆكێ هه‌رێمێ دا”.