خەلکێ دھۆکێ د سێ رۆژان دا ٤٠٩ تەنێن گۆشتێ سۆر خارینە
ئەڤرۆ نیوز، ئەمیر ئەترووشی:
ل گۆرەی ئامارەکا رێڤەبەریا ڤێتێرنەریا دھۆکێ، د دەمێَ سێ رۆژێن دووماھیێ یێن جەژنا رەمەزانا پیرۆز دا، خەلکێ دھۆکێ نێزیکی ٤٠٩ تەنێن گۆشتێ سۆر یێ پەزی و گۆلکی خارینە.
د. عەبدولرەزاق ئێمینکی، بەرپرسێ پشکا ساخلەمیا ئاژەلی ل رێڤەبەریا ڤێتێرنەریا دھۆکێ بۆ ئەڤرۆ نیۆز دیار کر، د ھەیاما سێ رۆژێن دووماھیێ یێن ھەیڤا رەمەزانا پیرۆز دا، ل شەش سەربرخانێن فەرمی یێن پارێزگەھا دھۆکێ دا چار ھزار و ٥٩٩ پەز و ھزار و ١٧٦ چێل و گۆلک ھاتینە سەرژێکرن و ژ سەرجەمێ سەرژێکرنا ڤی پەزی، ١١٥ تەنێن گۆشتێ سۆر یێ پەزی و ٢٩٤ تەنێن گۆشتێ گۆلکی کەفتینە د بازارێ گۆشتفرۆشێن دھۆکێ دا و ھەموو ھاتیە فرۆتن.
ئاشکرا ژی کر کو پتریا پەز و گۆلکان ل گۆشتارگەھێن دھۆک و سێمێل و زاخۆ ھاتینە سەرژێکرن و کێمترین ژ گۆشتارگەھا ئامێدیێ و گۆتیشی: ٨٠% ژ پەز و گۆلکان ل ناڤا گۆشتارگەھێن فەرمی دا ھاتیە سەرژێکرن و ٢٠% ژ دەرڤەی گۆشتارگەھان.
د. عەبدولرەزاق ئێمینکی ئاماژە ب ھندێ ژی ددەت کو ل جەژنا ئەڤ سالە یا رەمەزانێ دا سەرژێکرنا پەزی کێمتر لێ ھاتیە، بەلێ خواست ل سەر کرینا پەزێ گۆلکی زێدەتر لێ ھاتیە.
