ڤیسته‌ڤالا دویێ یا كه‌لتوورى ل ده‌ڤه‌را بارزان هاته ئه‌نجامدان
ئه‌ڤرۆ نیوز، نه‌وزاد هلۆرى:
ب مه‌ره‌ما زێده‌تر ناساندن و گرنگیدان ب كه‌لتوورێ كورده‌وارى و ده‌ڤه‌را بارزان، ئه‌ڤرۆ ئێكشه‌مبى 9/6/2019 ڤیسته‌ڤالا دویێ یا كه‌لتوورى ل ده‌ڤه‌را مزیرى بالا یا سه‌ر ب ناحیا شێروان مه‌زن هاته ئه‌نجامدان، تێدا كومه‌كا چالاكیێن جودا هاتنه ب رێڤه‌برن.
مینا كوردستانى، ئه‌نداما ده‌سته‌یا رێكخراوا ئاڤا شین بۆ ئه‌ڤرۆ نیوز گۆت: ( ب مه‌ره‌ما زێده‌تر گرنگیدان و ناساندنا كه‌لتوورێ كورده‌وارى ب گشتى و ده‌ڤه‌را بارزان ب تایبه‌تى، رێكخراوا ئاڤاشین رابوو ب ئه‌نجامدانا ڤیسته‌ڤالا دویێ یا كه‌لتوورى ل گوندێ سێلكێ یا سه‌ر ب ده‌ڤه‌را مزیرى بالا ل سنوورێ ده‌ڤه‌را بارزان).
زێده‌تر گۆت: (د ڤیسته‌ڤالێ دا كومه‌كا چالاكیێن جودا هاتنه ئه‌نجامدان كو ده‌ربرین ژ كه‌لتوورى و فولكلورێ كورد و كوردستانێ ب گشتى و ده‌ڤه‌را بارزان ب تایبه‌تى دكر، دیسان په‌رتوكێن وه‌رگیرای و وێنێن شه‌هید و چه‌ند چالاكیێن دى هاتنه ئه‌نجامدان، داكو نڤشێ نوو بزانن ئه‌ڤ ده‌ستكه‌فتى و ئازادیا نها ئه‌م تێدا هوسا ب ساناهى ب ده‌ستڤه نه‌هاتیه).
