تۆپخانا سۆپایێ تورکیا گوندێ کێستە تۆپباران کر
ئەڤرۆ نیوز، زنار تۆڤی:
ئەڤرۆ سێشەمبی 18.6.2019 و ل دەمژمێر 11 بەری نیڤرۆ، تۆپخانا سۆپایێ تورکی گوندێ کێستە ل دەڤەرا بەرواری بالا تۆپباران کر.
وەلاتیەکێ گوندێ کێستە ب ناڤێ محەمەد بۆ ئەڤرۆ نیوز دیار کر: ئەڤرۆ ل دەمژمێر 11 بەری نیڤرۆ، ب بەھانەیا ھەبوونا گەریلایێن پەکەکێ تۆپخانا سۆپایێ تورکی ل شەش جھان دەردورا گوندێ کێستە تۆپباران کر و ئەو جھێن تۆپ ڤێکەتین دو کیلۆمەترا نێزیکی گوندی بوون، ھەر چەندە وان تۆپان چ زیانێن گیانی نەگەھاندینە گوندیان، لێ ترسەک ل دەف وان پەیدا کریە، ھەروەسا وان تۆپان ئاگر بەردایە چەندین جھان.
