نۆشدارەک: ئاڤا تریێ شین یێ ب مفایە بۆ گەلەک ئێشان
ئەڤرۆ نیوز ، زنار تۆڤی:
د. سامان زراری بسپۆرێ گیانێن سرۆشتی ل هەولێرێ، بۆ ئەڤرۆ نیوز دیار کر: هەکە تە ئێشا شەکرێ هەبیت، یان ژی پەنجەشێر، یان قەبزبوون، یا ژی گرفت د دەستئاڤا زراڤ دا هەبیت، یان رۆماتیزم و ئاریشا دل و دەماران هەبیت، یان ژی هێرانا خوارنا تە یا باش نەبیت و کرمێ ریخۆلێ تە هەبیت، هەروەسا دۆهن و خوینا خراب LDL یا بلند بیت، تریێ نەگەهشتی ئەڤان ئێشان چارەسەر دکەت، کو ئەو ژی ئاڤا تریێ نەگەهشتیە.
ئاڤا بەرسییلە: Grape un ripe
ناڤهاتی گۆت ژی: گەلەک مادە دناڤ ئاڤا تریێ شین دا هەنە، وەک ئەسید مالیک ، فرمیک، سوکسینک، ئاگزالیک گلولیک و شە کر و فیتامین C، ئەڤ دەرمانە ب دو رێیان دهێتە دروستکرن، پشتی ژێ گرتنا ئاڤا تری و کەلاندنا وێ ئاڤێ بۆ دەمەکێ کێم و بۆ ماوێ ۱٥ خۆلەکان.
یان ژی دێ وێ ئاڤێ ژێ گری و پاڤژ کەی ژ بەرکێن تری و دێ کەیە شیشەکێ، دێ پیچەکێ خۆ ل هیڤیێ گری، پاشی دێ کەیە بوتلەکێ و دێ ب جوانی تژی کەی و باشترە گەلەک تژی نەکەی، پاشی دێ چەند خۆلەکان وی شیشەی کەیە دناڤ ئاڤا گەرم دا، داکو چ رێک نەمینن کو هەوا بچیتە دناڤدا، پاشی دێ کەیە دناڤا بەفر هەلگرێ دا.
د. سامان زراری ئەو ژی دیار کر: نابیت خانما ب دو گیان وێ ئاڤێ ڤەخۆت و دیسا نابیت بەری خوارنێ ژی ئەو ئاڤە بهێتە ڤەخوارن، هەروەسا هەکە هوون بکەنە دناڤا سۆبێ ژی دا، دێ کاریگەریا خۆ هەبیت، یان ژی پەیالەکێ پشتی خوارنێ ڤەخۆن، دیسا ل نیڤرۆ و ئێڤاریان هەتا چل رۆژان نیڤ پەیالێ ڤەخۆن، دێ مفایەکێ مەزن ژێ بینن.
لەوما یا گرنگە هوون هەموو ئاڤا تریێ شین ڤەخۆن، ژبەرکو ئەنتی بەکتریایە بۆ لەشی و هەروەسا ژەهرێ ژی ژ لەشی دەردئێخیت.