80 په‌رله‌مانتار ژ فراكسیۆنا ئه‌كه‌پێ جودا بوون
ئه‌ڤرۆ نیوز:
ئاك پارتى یا ده‌ستهه‌لاتدار ل توركیا كو د په‌رله‌مانێ توركیا دا خودانا فراكسیۆنه‌كا 294 په‌رله‌مانتارایه ژ سه‌رجه‌مێ 600 په‌رله‌مانتاران، دێ كوده‌تایه‌كا سپى ل سه‌ر هێته كرن و 80 ئه‌ندامێن په‌رله‌مانى دێ ژێ جودا بن.
بریاره ئه‌و 80 په‌رله‌مانتارێن ئاك پارتى ژ فراكسیۆنا وێ حزبێ بچن ده‌ر وپه‌یوه‌ندیێ ب وان هه‌ردو حزبێن نوو بكه‌ن كو بریاره ل داهاتیه‌كێ نێزیك بهێنه دامه‌زراندن.
ئه‌حمه‌د تاكان، شیره‌تكارێ سه‌رۆك كۆمارێ به‌رێ یێ توركیا (عه‌بدوللا گۆل) بۆ رۆژناما (یه‌نى جاغ) یا توركى ئاشكراكر كو ل داهاتیه‌كێ نێزیك دێ عه‌لى باباجان حزبا خوه یا نوو دامه‌زرینیت.
گۆت ژى” هه‌ر ئێك ژ عه‌لى باباجان وئه‌حمه‌د داوود ئوگلۆ دێ دو حزبێن نوو دامه‌زرینن”.
دیاركر ژى” عه‌لى باباجان كو عه‌بدوللا گۆل پشته‌ڤانیا وى دكه‌ت 45 ئه‌ندامێن په‌رله‌مانى ژ حزبا ئاكپارتى دگه‌لدانه، هه‌روه‌سا 40 ئه‌ندامێن دى یێن په‌رله‌مانى دگه‌ل ئه‌حمه‌د داوود ئوگلۆى دانه و ب راگه‌هاندنا وان هه‌ردو حزبان، ئه‌و ئه‌ندامێن په‌رله‌مانى ژ حزبا ئاك پارتى دێ ژێ جودابن وگه‌هنه وان هه‌ردو حزبان”.
ب ڤێ چه‌ندێ ژی چاڤه‌رێ دهێته كرن هژمارا كورسیێن ئاك پارتى بۆ 214 كورسیان كێم ببن، هه‌كه كورسیێن مه‌هه‌پێ بچنه سه‌ر كو نوكه هه‌ڤپه‌یمانن دێ بنه 264 كورسى، ب ڤێ چه‌ندێ ژى هه‌ردو حزب دێ زۆرینه‌یا په‌رله‌مانى ژده‌ست ده‌ن، وى ده‌مى هه‌لبژارتنێن پێشوه‌خت دێ بنه ئه‌گه‌ره‌كێ ب هێز وپه‌رله‌مان دێ هه‌لوه‌شیت”.