كێشه‌كا د ناڤبه‌را دو گوندان ب دووماهى هات
ئەڤرۆ نیوز؍ عەلی حاجی :
ئەڤرۆ چار شەمبێ ۳/۷/۲۰۱۹ ب ئامادەبونا هژمارەکا رهـ سپی و ماقیلێن ده‌ڤەرێ و کەسایەتیێن هه‌ردو گوندێن قومری و نوردینیا ل لقا هەشت یا پارتی دیموکراتی کوردستان دووماهى ب کێشەیەکێ د ناڤبەرا دو بنەمالان دا هاته كرن .
عەبدولایێ بشار ئاغا، بەرپرسێ نڤێسینگەها کومەلایەتیا لقێ هه‌شت بۆ ئەڤرۆ نیوز دیار کر به‌رى دو هه‌يڤان ژ ئەگەرێ روودانەکێ گەنجەک ژ بنەمالا گوندێ نوردینیا ب دەستێ گەنجەکێ بنەمالەکا گوندێ قومری گیانێ خوە ژدەست دا بوو ؍ لەورا پشتی بورینا هەیڤەکێ یا سەرەدانێن مه بۆ كه‌سوكارێن هەردو بنەمالان ؍ ئەڤرۆ چار شەمبێ ب خوەش بەختانە مه شیا کێشەیا هەردو بنەمالان ب دووماهی بینين ول ئێک و دو ببورن ؍ جارەکادی گیانێ برایەتیێ د ناڤبەرا هەردو بنەمالان دا پەیدا بکەینە ڤە و سوپاسیا هەردوو بنەمالان دکەین کو گیانەکێ بلند ل هەڤدو بورین .
ناڤهاتی گوت ژی : هەردو لایەن رژد بوون ل سەر وێ چەندێ كو گەنجی ئەو تاوان ئەنجامدای ب رێیا قانوونێ بگەهیتە مافێ خوە و رازی بن ل سەر بریارا قانوونێ.
