وه‌زیرێ په‌روه‌ردێ سوزا چاره‌سه‌ركرنا كێشه‌یێن زاخۆ داینه
ئه‌ڤرۆ نیوز، عه‌لى حاجى :
پشتى سه‌ره‌دانا وه‌زیرێ په‌روه‌ردێ یا حكومه‌تا هه‌رێما كوردستانێ ئالان حه‌مه سه‌عید بۆ په‌روه‌دا زاخۆ، رێڤه‌به‌رێ په‌روه‌ردا زاخۆ چه‌ندین داخازى راده‌ستى وه‌زیرێ په‌روه‌ردێ كرینه ب مه‌ره‌ما چاره‌سه‌ركرنا كێشه‌یان.
ل دور ڤێ چه‌ندێ نه‌زیر یوسف، رێڤه‌به‌رێ په‌روه‌ردا زاخۆ بۆ ئه‌ڤرۆ نیوز ئاشكرا كر پشتى هاتنا وه‌زیرێ په‌روه‌ردێ بو باژێرێ زاخۆ كو ئارمانجا سه‌ره‌كى یا وێ سه‌ره‌دانێ ئه‌و بوو تنێ سه‌ره‌دانا بنگه‌هێن ئه‌زمونان بكه‌ت، لێ مه چه‌ندین داخوازا ئاراسته‌یى جه‌نابێ وه‌زیرى كرن كو بوینه كێشه بۆ كه‌رتێ په‌روه‌ردێ ل سنورێ مه ، كو گرنگترین داخازییێن مه ئه‌و بون میلاكێ په‌روه‌ردا زاخۆ بهێته زێده كرن ژبه‌ركو مه‌زنترین په‌روه‌رده‌یه ل سه‌ر ئاستێ پارێزگه‌ها دهوكێ و هه‌ر چوو نه‌بیت 200 ماموستا چو وه‌كو گرێبه‌ست یان دامه‌زرندان بهێنه دابین كرن هه‌ر دیسان مه داخوازا ئاڤا كرنا 15 قوتابخانه‌یێن دیتر ژى كرى یه، ژبه‌ر كو ئه‌ڤه ژ سالا 2014 هه‌تا نوكه چو قوتابخانه نه‌هاتینه ئاڤا كرن.
و دا زانین ژى وه‌زیرێ په‌روه‌ردێ دیار كرى یه ئه‌م دێ دیفچوونا ڤێ چه‌ندێ كه‌ین و هه‌ر ده‌ما دامه‌زراندن ده‌ست پێكر دێ هزر ل ڤێ چه‌ندێ كه‌ین بۆ باژێرێ زاخۆ و گوت ‘‘ مه داخازا دابینكرنا پێدڤى و ره‌حله‌یان و هنده‌ك تشتێن دیتر ژى كرى یه ژ وه‌زیرى و وى ژى سوز دایه بهێنه دابین كرن و دێ گرنگیه‌كا تایبه‌ت ب باژێرێ زاخۆ ده‌ین .
ل دوماهیێ گوت ژى: ژبه‌ریا نوكه هه‌شت قوتابخانه‌یێن نیڤه‌رو مابون، پشتى وێ چه‌ندێ پێنچ ژ وان قوتابخانه‌یان دنوكه دا كار ل سه‌ر دهێته كرن،بتنێ سێ قوتابخانه ماینه هه‌تا نوكه نه‌هاتینه ئاڤا كرن، وه‌زیرى ژى دیار كرى یه دزووترین ده‌م دا دێ به‌رسڤا هه‌وه ده‌ین دا كو ئه‌م بشێن وان قوتابخانه‌یان ئاڤا بكه‌ین و كێشه‌یا وان بهێته چاره‌سه‌ر كرن.
