كۆمپانيه‌كا په‌ترۆلێ پرۆژه‌كێ ئاڤێ بۆ گونده‌كێ دروست دكه‌ت
ئەڤرۆ نیوز،عەلی حاجی :
د داخویانیەکێ دا رێڤەبەرێ ناحیا رزگاری ل زاخۆ بۆ ئەڤرۆ نیوز دیار کر ب گۆژمێ ٥٠ ھزار دولاران پروژەیەکێ ئاڤێ بۆ گوندێ دارھوزانێ ھاتە ڤەکرن و ئەڤ پروژەیە ل سەر داھاتێ کومپانیەکا په‌ترۆلێ ھاتیە دروستکرن.
سەروەر سەعید رێڤه‌به‌رێ ناحيا رزگارى گوت ژى” ئەڤ پروژەیە پێک دھێت ژ کوگەھەکا ئاڤێ و تۆره‌ك ب درێژاھیا ١٥٠٠ مەتران و ژۆرەکا ئاڤا ژێر زەڤی،کو ئەڤ پروژەیە ژی ل سەر داخوازیا مە بوویە و پارێ ڤی پروژەی ژی ژلایێ کومپانیا DNO ڤە یا دەرئینانا په‌ترۆلێ ھاتبوو تەرخان کرن،پروژە ل بن چاڤدێریا رێڤەبەریا ئاڤا زاخۆ بوو، د نوکە دا پرۆژه يێ ب دووماهى هاتى و ب شێوەیەکێ فەرمی ژلایێ قایممقامێ زاخۆ ڤە ھاتە ڤەکرن و کەڤتە د خزمەتا ھاولاتیێن وێ دەڤەرێ دا”.
نافھاتی گوت ژی ” ب ڤەکرنا ڤی پروژەیی ئاریشەیا ڤی گوندی دێ ھێتە چارەسەر کرن و ئێدی کێشەیا ئاڤێ نامینیت”.
سالانە کومپانیا DNO چەندین پروژەیان ئەنجام دەت و ئەڤە ژی ئێک ژ وان پروژەیێن وێ کومپانیێ بوو ل سنورێ ناحیا رزگاری.
