ب وێنه .. ئاگر به‌ربوو دو خيڤه‌تێن كه‌مپا كه‌به‌رتوو
ئه‌ڤرۆ نیوز، نه‌وزاد هلۆرى:
ده‌مه‌كێ كێم به‌رى نوكه ئاگر ب دو خیڤه‌تێن ناڤا كه‌مپا كه‌به‌رتوو ئێک كه‌فت و ب تمامى هاتنه سوتن، ئاواره‌كێ ئه‌وێ كه‌مپێ ژى دیاركر كو ئه‌گه‌راێ به‌ربوونا ئاگرى يێ ديار نينه و ئه‌ڤه چه‌ندین جاران روودانێن ئاگرى دوباره بوون.
باسم شنگالى، شاهدحال و ئاواره‌یێ كه‌مپا كه‌به‌رتوو بۆ ئه‌ڤرۆ نیوز گۆت” ده‌مه‌كێ كێم به‌رى نوكه ئاگر به‌ربوویه دو خیڤه‌تێن ناڤا كه‌مپا (كه‌به‌رتوو ئێک) و هه‌ردو خیڤه‌ت ژى ب تمامى سوتن”.
زێده‌تر گۆت”خودانێن هه‌ردو خیڤه‌تان د ناڤ بیستانێن خوه دا كاردكر و ل مال نه‌بوون، هه‌تا نوكه ئه‌گه‌رێ روودانێ يێ ديار نينه، ئه‌ڤه چه‌ندین جاران ئاگر ل كه‌مپا كه‌به‌رتوو دووباره بوو و هه‌تا نوكه هژماره‌كا زۆرا خیڤه‌تان هاتینه سوتن).
شنگالى دیاركر ژى كو ئاگر ژلایێ جیرانێن وان هاتیه كونترولكرن، به‌لێ زیانێن زورێن مادى به‌ر وان هه‌ردوو خیڤه‌تان كه‌فتیه.
