ب وێنه- فرۆتنا به‌رهه‌مێ خومالى ل هاڤینگه‌ها سیپه
ئه‌ڤرۆ نیوز، نه‌وزاد هلۆرى:
هاڤینگه‌ها سیپه ل سه‌نته‌رێ قه‌زا ئاكرێ ئێكه ژ وان هاڤینگه‌هێن كوردستان و پارێزگه‌ها دهۆكێ كو قه‌ره‌باغه‌كا زۆر ل سه‌ر هه‌یه و هژماره‌كا زۆرا گه‌شتیارێن نافخوه و عیراق و ده‌رڤه سه‌ره‌دانێ بۆ دكه‌ن، ئه‌ڤ یه‌ك ژى بویه ئه‌گه‌ر كو هنده‌ك ژ وه‌لاتیان ب فروتنا به‌رهه‌مێ خومالى داهاته‌كێ بخوه په‌یدا بكه‌ن.
عه‌بدولجه‌بار شێخ عومه‌ر، ئێكه ژ وان وه‌لاتیێن كو به‌رهه‌مێ خومالیێ ئاكرێ ل سپیه دفروت بۆ ئه‌ڤرۆ نیوز گۆت: (هژماره‌كا زورا گه‌شتیار و وه‌لاتیێن نافخوه و عیراق و بیانى ژ نێزیك ب مه‌ره‌ما گه‌شتوگۆزار و بوراندنا ده‌مه‌كێ خوش سه‌ره‌دانا هاڤینگه‌ها سپیه ل ئاكرێ دكه‌ن، ئه‌ڤ یه‌ك ژى بویه ئه‌گه‌ر كو ئه‌م ژى به‌رهه‌مێ خومالیێ ده‌ڤه‌رێ وه‌كو هژیر، هنار، سماق و چه‌ندین به‌رهه‌مێن دى بفروشین).
زێده‌تر گۆت: (ب فروتنا به‌رهه‌مێ خومالى ئه‌م ژى دشێن داهاته‌كێ بخوه په‌یدا بكه‌ین، ئه‌ڤه زێده‌بارى وێ یه‌كێ كو به‌رهه‌مێ ده‌ڤه‌رێ ژى بو گه‌شتیاران دده‌ینه نیاسین).
نه‌شوان ئه‌سكه‌نده‌ر ئه‌و ژى ئێك بو ژ وان وه‌لاتیان و هنده‌ك ژ هناران د فروتن بۆ ئه‌ڤرۆ نیوز گۆت: (هه‌ر چه‌نده هنارا ده‌ڤه‌رێ هێشتا نه‌گه‌هشتیه، به‌لێ مه هویركرینه و كرینه د سێنیكێن تایبه‌ت دا هه‌ر سێنیه‌كێ ژى ب هزار دیناران دفروشین، گه‌شتیار گه‌له‌ك حه‌ژ ژ هنار و هژیر و به‌رهه‌مێ خومالیێ ده‌ڤه‌رێ دكه‌ن).
