سێیەمين كونفرانسێ زانستێن خواندنێن كوردی هاته سازكرن
ئەڤرۆ نیوز،عەلی حاجی :
ئینیستیوتا كوردی ل پاريس ب هەڤكاری دگەل زانكویێن زاخۆ و كویە سێیەمین كونفرانسێ زانستێن خواندنێن كوردی ب پشكداریا 30 ڤەكولەران ژ كوردستانێ و دەرڤەیی كوردستانێ دەستپێكر و د ئێكەم رۆژ دا چەندین پەنەل ل دۆر زمان و ئەدەبیاتان هاتنە ساز كرن .
عەبدولوەهاب خالد، جێگرێ سه‌رۆكێ زانكۆيا زاخۆ بۆ ئەڤرۆ نیوز گوت : ئەڤە دبیتە سێیەم كونفرانس ل دۆر كوردولوژی ژلایێ ئینستیویتا كوردی ڤە ل پاریسی دهێتە ئەنجام دان كو پێشتر ل باژێرێن هەولێر و دهۆكێ هات بوو ئەنجام دان و بریارە ئەڤ كونفراسە بۆ ده‌مێ دو رۆژان بەردەوام بیت و رۆژا سیێ ژی سەرەدانەكا تایبەت بیت بۆ په‌رستگه‌ها لالش دا وەكو سومبولەكا ئێزدیاتیا كوردی بهێتە نیاسین.
گۆت ژى” رۆژا ئێكێ ژ ڤی كونفرانسی دێ تایبەت بیت ب زمان و ئەدەبیاتێن كوردی كو دێ ل چەندین پەنەلان دا هێتە بەحس كرن و رۆژا دوێ دێ ل زانكویا كویە بیت كو دێ تایبەت بیت ل دۆر دیروك و جڤاكناسیا كوردی و زێدەتر 30 ڤەكولەرێن ناڤخوه‌یی و بیانی پشكداری ڤی كونفرانسى بووينه و پتريا وان ڤەكولەران ئەو بوون كو پێشتر د وارێ زمان و ئەدەبیات و چاندا كوردی دا ڤەكولین ئەنجام داین”.
زێدەتر گوت ژی : ئەم دخوازین ب رێیا ڤی كونفرانسی زانكویێن مە ژ نێزیك ڤەكولینێن ڤەكولەران ببینن و ببنە ژێدەرەكێ تایبەت ب دەست وان بكەڤیت و ڤی كونفرانسی جوداهیەكا باش هەیە دگەل كونفرانسێن دی ژبەر كو ڤەكولینێن نووتر هاتینە ئەنجامدان كو پێشتر هندەك ڤەكولەران پشكداری د كونفرانسێن دی دا كربو، بەلێ نوكە نەماينه د ژیانێ دا و كەسێن نووتر دەست ب ڤەكولینێن خوە كرینە .
