رۆژا ژدایك بوونا حه‌زره‌تێ مه‌سیح دێ هێته ساخكرن
ئه‌ڤرۆ نیوز، هه‌رهین محه‌مه‌د:
جه‌ژنا حه‌زره‌تێ مه‌سیح وه‌كو هه‌رسال ل بیست و پێنجی چله‌ی دهێته گێران و ئه‌ڤ ساله دێ هێته گێران ل رێكه‌فتی 25ى كانوونا ئێكێ 2020 كو دبیته رۆژا چارشه‌مبی ئه‌ڤ جه‌ژنه دێ بۆ ده‌مێ ده‌ه رۆژان ل هه‌موو كه‌نیسان هێته كرن و هه‌موو مه‌راسیمێن گرێدای جه‌ژنێ دێ هێنه كرن.
مه‌تران ره‌بان قه‌شه، بۆ ئه‌ڤرۆنیۆز گۆت: وه‌كو هه‌رسال رۆژا ژدایك بوونا حه‌زره‌تێ مه‌سیح دهێته ل هه‌موو كه‌نیسان دێ هێته ساخكرن و بۆ ده‌مێ ده‌ه رۆژان ئه‌ڤ جه‌ژنه دێ هێته كرن و ئه‌ڤ ساله ژی وه‌كو سالێن بوری كه‌نیسه دێ هێته خه‌ملاندن و ل سپێده‌هیا جه‌ژنێ نڤێژ هێته‌كرن و هه‌موو مه‌راسیمێن گرێدای جه‌ژنێ دێ هێنه‌كرن و دڤان ده‌ه رۆژا دا مه‌سیحی هه‌موو دێ چنه جه‌ژنا ئێك و دو ل گوندان و هه‌ولێرێ ل توركیا و هه‌رجهه‌كێ مه‌سیحی لێ هه‌بن دیسان ژی وه‌كو نه‌ریته‌ك هه‌رسال ودڤێ رۆژێ دا پتریا مه‌سیحیان سه‌روپێكا چێدكه‌ن بۆ سپێده‌هیا جه‌ژنێ.
مه‌ترانی زێده‌ترژی گۆت: ل هه‌موو عیراقێ دبیت ئه‌و ئێمنا هی نه بیت، به‌لێ ل كوردستانێ گه‌له‌ك یا ئارامه و ئه‌ڤ جه‌ژنه ب خوه‌شی دێ ب خوه‌شی هێته كرن و گه‌له‌ك حه‌زدكه‌ین ئاشتی به‌لاڤ بیت و ده‌وروبه‌رێن مه وه‌ناكه‌ن ئارامی هه‌بیت و ڤێ جه‌ژنی َل هه‌موو مه‌سیحێن جیهانێ پیرۆز دكه‌م ب تایبه‌ت یێن كوردستانێ و دخازم بیته جه‌ژنا ئارامی و ئاشتیێ.
