چوار فیده‌رێن نوو دێ ل وێستگه‌هێ دێره‌لۆك یێ كاره‌بێ هێنه كێشان
ئه‌ڤرۆ نيوز، مه‌حمود نهێلی:
ژ بۆ سڤكرنا بارێ كاره‌بێ و چاره‌سه‌ركرنا ئاریشه‌یێن برینێ و كێمكرنا قوتبوونێ و گه‌هاندنا كاره‌بێ بۆ هنده‌ك جهێن نوو ده‌ست ب كێشانا چار فیده‌رێن نوو یێن كاره‌بێ هاتیه كرن كو دێ ل وێسته‌گه‌هێ دێره‌لۆك هێنه ڤه‌گوهاستن.
سائیر ئامێدى، ئه‌ندازیارێ سه‌رپه‌رشتێ پرۆژه‌ى بۆ ئه‌ڤرۆ نیوز دیاركر، كو ئه‌ڤ پرۆژه ئێك ژ پرۆژه‌یێن گرنگه ل ده‌ڤه‌رێ دهێته ئه‌نجامدان و گۆت: كێشانا ڤان فیده‌ران ژ وێسته‌گه‌هێ دێره‌لۆك دێ گه‌له‌ك ئاریشه‌یێن كاره‌بێ ل ده‌ڤه‌رێ چاره‌سه‌ركه‌ت و گۆت ژى : به‌رى نوكه بتنێ چار فیده‌ر ل ڤى ویسته‌گه‌هێ هاتبوونه كێشانه نوكه دێ چار فیده‌رێن دى هێنه زێده‌كرن و دێ بنه هه‌شت و هه‌ر تاخه‌كى دێ فیده‌رێ خوه یێ تایبه‌ت هه‌بیت زێده‌بارى فیده‌ره‌كى تایبه‌ت دێ بۆ كومه‌لگه‌ها هێتوتێ و ناحیا شێلادزێ هێته كێشان).
ناڤهاتى گوت ژى كو وان ل به‌ره فیده‌ره‌كى تایبه‌تێ شه‌ڤێ بۆ گوندێن گه‌له‌كا و مه‌هیدێ و هه‌روه‌سا هاریكار بهێته كێشان ، ژ به‌ر نه‌بوونا موه‌لیده‌یان ئه‌و ب شه‌ڤێ پێدڤى ب كاره‌بێ نه و گۆت: ( د پلان دایه چه‌ندین پرۆژه‌یێن دیترێن كاره‌بێ ل ده‌ڤه‌رێ بهێنه جێ به‌جێ كرن). ناڤهاتى خویا ژى كر، كوژمێ ئێك ملیار و 75 ملیون دیناران ل سه‌ر بودجێ داهاتێ كاره‌بێ ژ بۆ ئه‌نجدانا ڤى پرۆژه‌ى هاتینه ته‌رخانكرن.
