دارا هنگڤینی ل دهۆكێ هاته چاندن
ئه‌ڤرۆ نیوز، نه‌وزاد هلۆری:
پێشمه‌رگه‌كی، كو خه‌لكێ گوندێ خۆركی یه، سه‌ر ب ناحیا ئه‌تروش ڤه، دناڤ حه‌وشا مالا خوه پتری 20 جۆرێن داروبارێ فێقی چاندینه كو هنده‌ك ژ وان ل كوردستانێ هه‌مویێ نینن، ژ وانانا دارا هنگڤینی، ئه‌ڤه زێده‌باری كو پتری 10 جۆرێن دیكوران ل حه‌وشا خوه كرینه.
عه‌لی خۆركی، بۆ ئه‌ڤرۆ گۆت:من د مالا خوه دا پتری 20 جۆرێن فێقی چاندینه و سالانه به‌رهه‌مه‌كێ باش بۆ مال پێڤه دهێت، ژ گرنگترین وان داران ژی دارا هنگڤینی یه كو ئێكه ژ دارێن هه‌ره ب ناڤ و ده‌نگ و زۆر كێم ل جیهانێ هه‌یه، ئه‌ڤ داره من ل مال چاندیه و ل هه‌موو كوردستانێ نینه، دارا هنگڤینی من ژ ده‌رڤه ئینایه.
ل دووماهیێ گۆت: ژبلی چاندنا داروبارێ فێقی، من د مالا خوه دا پتری 10 جۆرێن دیكورێن جوان ب ره‌نگێ سرۆشتی چێكرینه، ئه‌ڤ دیكور ژی من ب ده‌ستێ خوه چێكرینه، سیمایه‌كێ هه‌ره جوان دایه مال، هه‌كه ئه‌ڤ دیكوره من ب پاره چێكربادا مه‌زاختنه‌كا زۆر چیت، هه‌ر كه‌س دشێت مالا خوه ب دیكوران ب خه‌ملینیت، بێگومان هه‌بوونا داروبار و دیكورا د مالێ دا بێهنا مرۆڤی فره‌ه دكه‌ت.
