جێگرێ سه‌روكێ په‌رله‌مانێ عێراقێ:گیروبونا بودجێ چ مەترسیان درست ناکەت
ئه‌ڤرۆ نیوز،عه‌لى حاجى :
د سه‌ره‌دانه‌كێ دا بۆ باژێرێ زاخۆ جێگرێ سه‌روكێ جڤاتا نوونه‌رێن عێراقێ دكتور به‌شیر حه‌داد ژلایێ قایممقامێ زاخۆ ڤه هاته پێشوازى كرن و د رونشتنه‌كێ دا به‌حس ل داوى پێشهاتێن عێراقێ هاته به‌حس كرن.
د داخویانیه‌كێ د.به‌شیر حه‌داد بۆ ئه‌ڤرۆ نیوز گوت : پێش ده‌ست ژ كاركێشانا عادل عه‌دولمه‌هدى بودجا عێراقێ بۆ سالا 2020 ژلایێ حوكمه‌تا عێراقێ ڤه ب دوماهى هات بوو و ل ئه‌نجومه‌نێ وه‌زیران ده‌نگ ل سه‌ر هات بوودان و پێدڤى بوو بۆ جڤاتا نوینه‌ران بودجا سالا 2020 بهێته ره‌وانه‌كرن به‌لێ نه‌هاته ره‌وانه كرن و هه‌تا نوكه ژى نه‌هاتیه ره‌وانه كرن و نوكه بوچونێن یاسایى هه‌نه ل دور بودجه‌یێ كو پشكه‌كا ژ یاسادانه‌ران دبێژن حوكمه‌تا كار ب رێكەر دشێت بودجا سالا 2020 بۆ په‌رله‌مانێ عێراقێ ڤرێكه‌ت ژبه‌ر كو یاسایا بودجێ وه‌كو یاسایێن دیتر نینه بتنێ بۆ ساله‌كێ یه و د به‌رژه‌وه‌ندیا وەلاتیان دایە ژبه‌ر ڤێ چه‌ندێ حوكمه‌تا كار برێكه‌ر دشێت ره‌وانه بكه‌ت،به‌لێ بوچوونه‌كا دیتر كه‌سانێن یاسایى دبێژن ب چو ره‌نگا حوكمه‌تا كار برێكه‌ر نه‌شێت پروژه یاسایه‌یكێ بۆ په‌رله‌مانى ره‌وانه بكه‌ت .
و گۆت ژى : ژبه‌ر ڤێ چه‌ندێ هه‌تا نوكه پرۆژه یاسایا 2020 بۆ په‌رله‌مانى نه‌هاتیه ره‌وانه كرن و ژبه‌ر نه‌هاتنا وى پروژه یاسایى مه‌ترسى ل سه‌ر بودجا حوكمه‌تا هه‌رێما كوردستانێ و هه‌تا عێراقێ ژى نینه ژبه‌ر كو كوردستان و عێراق ل سه‌ر بودجا 2019ێ یه،1 لسه‌ر 12 یا بودجا 2019 بۆ كوردستانێ و هه‌مى باژارێن وێ یه و دێ هێته مەزاختن هه‌تا كو وى ده‌مى بودجا سالا 2020 دهێته په‌رله‌مانى و ل دووڤ وێ رێكه‌ڤتنا ل سه‌ر بودجا سالا 2020 دگه‌ل حوكمه‌تا عێراقێ دێ بودجه هێته مەزاختن بۆ حوكمه‌تا كوردستانێ و نوكه هه‌مان رێژه‌یا پاره‌یێ سالا 2019 بۆ كوردستانێ دهات نوكه ژى هه‌یڤانه ئه‌و رێژه‌یا پاره‌یى بۆ كوردستانێ دهێت .
