راگەهاندنەکا کۆچکا سپی دەربارەی ئەنجامێ کۆمبوونا نێچیرڤان بارزانی و دۆنالد ترەمپی
ئەڤرۆ نیوز:
کۆچکا سپی د راگەهاندنەکێ دا ئەنجامێ کۆمبوونا سەرۆکێ هەرێما کوردستانێ و سەرۆکێ ئەمریکا بەلاڤ کریە د بێژیت، سەرۆکێ ئەمریکا سوپاسیا نێچیرڤان بارزانی، سەرۆکێ هەرێما کوردستانێ کر بۆ هەڤبەشیا بەردەوام یا هەرێما کوردستانێ ل گەل ئەمریکا.
لدووڤ وێ راگەهاندنێ، د وێ کۆمبوونێ دا هەردو ئالیان جەخت ل پابەند بوونا خوە بۆ کارکرنێ بۆ تێکشکاندنا داعشێ دوپاتکریە.
سەرۆکێ ئەمریکا سوپاسیا سەرۆکێ هەرێما کوردستانێ ژی کر، ب ئەگەرێ وێ چەندێ کو هەرێما کوردستانێ پالپشتیا بەردەوام بۆ ئاوارە و پەنابەران.
پێشتر کۆچکا سپی دەقێ گۆتنێن دۆنالد ترەمپی سەرۆکێ ئەمریکا و نێچیرڤان بارزانی، سەرۆکێ هەرێما کوردستانێ ل وێ کۆمبوونا کۆڕبەندێ داڤۆس بەلاڤەکریە.
هەڤدەم سەرۆکێ هەرێما کوردستانێ د توویتەکێ دا دەربارەی وێ کۆمبوونێ راگەهاند، د کۆمبوونەکا بەرهەمدار و دۆستانە دا ل داڤۆس، خۆشحال بووم ب دیتنا سەرۆک دۆناڵد ترەمپی، وی پێزانین هەبوون بۆ رۆلێ کوردستانێ د شەرێ پێکڤە ل دژی داعش و پارێزگاریکرن ل کەمینەیان، من سوپاسیا سەرۆکێ ویلایەتێن ئێکگرتی یێن ئەمریکا کر بۆ سەرکردایەتی و پالپشتیێ، مە ئاخفتن ل سەر پشکێن دیتر یێن عێراق و هەماهەنگیا ئابووری کر.
