حوكمه‌تا عێراقێ هێز دژی خۆنیشانده‌ران بكارئینایه
ئه‌ڤرۆ نیۆز، قائید میرۆ
بزاڤێن هێزێن عێراقی بۆ دوماهی ئینان ب خۆنیشاندانێن وه‌لاتیان د به‌رده‌وامن و به‌رپرسه‌كێ مافێ مرۆڤی ل عێراقێ هۆشداریێ دده‌ت ل بكار ئینانا هێزێ دژی خۆنیشانده‌ران.
هێمن باجه‌لان، ئه‌ندامێ كۆمسیۆنا مافێن مرۆڤی ل عێراقێ بۆ ئه‌ڤرۆ نیۆز دیاركر” چه‌ند رۆژه‌كه شه‌ڕۆ پێكدانان دناڤبه‌را هێزێن عێراقی و خۆنیشانده‌رێن عێراقێ ده‌ستپێكریه و حوكمه‌ت دخوازیت دوماهی ب خۆنیشاندانان بهێت، به‌لێ مخابن بشێوه‌یه‌كێ دژوار توندۆتیژی دژی خۆنیشانده‌ران دهێته‌كرن، هه‌تا نوكه هژماره‌ك خۆنیشانده‌ر هاتینه كوشتن و برینداركرن.
هێمن باجه‌لان گۆت” ره‌وشا عێراقێ یا به‌ره‌ف قۆناغه‌كا نوو دچیت و ئه‌م پێشبینی دكه‌ین بكارئینانا هێزێ بۆ چۆلكرنا گوڕه‌پانا خۆنیشاندانا دێ ره‌وشێ به‌ره‌ف دژوارتر ببه‌ت، مه داخوازكریه ل حوكمه‌تا عێراقێ گیانێ خۆنیشانده‌ران یێ پاراستی بیت و دوماهیێ ب توندۆتیژیان بینن.
