كه‌ركوك:زانیاری ورد له باره‌ی ئه‌و چواركه‌سه‌ی توشبووی نه‌خۆشی كۆرۆنا له ئه‌ڤرۆ نیۆز بخوێنه‌وه
ئه‌ڤرۆ نیۆز، عه‌زیز هه‌ورامی:
له پارێزگای كه‌ركوك چوار كه‌سی یه‌ك خێزان هه‌ڵگری فایرۆسی كۆرۆنان و له ماوه‌ی ڕابردوو سه‌ردانی وڵاتی ئێرانیان كردووه، ئێستا له شوێنی تایبه‌ت له نه‌خۆشخانه‌ی جمووری كه‌ركوك خه‌وێندراون.
دكتۆر مه‌نزه‌ر نه‌عمان به‌ڕێوه‌به‌ری هۆبه‌ی نه‌خۆشه گوازراوه‌كان له ته‌ندروستی كه‌ركوك، به ئه‌ڤرۆ نیۆزی ڕاگه‌یاند:” ئه‌مڕۆ چوار حاڵه‌تی نه‌خۆشی كۆرۆنا له كه‌ركوك تۆماركراوه، ئه‌ندامی یه‌ك خێزانن و له قه‌زای خانه‌قینه‌وه هاتوون پێش یه‌ك هه‌فته له ئێران گه‌راونه‌ته‌وه كه 15 ڕۆژ له‌و وڵاته بوون پاش دیاری بوونی نه‌خۆشییه‌كه به‌سه‌ریانه‌وه هاتوونه‌ته نه‌خۆشخانه ئێستا له نه‌خۆشه‌كان جیاكراونه‌ته‌وه، ئیجرائاتی ته‌ندروستی به‌رامبه‌ریان ده‌ستی پێكردووه.
دكتۆر مه‌نزه‌ر نه‌عمان وتیشی، له كه‌ركوك نه‌خۆشخانه‌ی خاس داندراوه بۆ ئه‌وكه‌سانه‌ی توشی نه‌خۆشی كۆرۆنا ده‌بن و تێكه‌ڵ به نه‌خۆشانی ئاسایی ناكرێن، له ئێستادا جگه له‌و چوار حاڵه‌ته‌ی كۆرۆنا یه‌ك خێزانن تۆماركراون هیچ حاڵه‌تێكی تری نه‌خۆشی كۆرۆنا تۆمار نه‌كراوه ئێستا ته‌واوی لایه‌نه پێوه‌ندیداره‌كان له كۆبوونه‌وه‌ن له‌سه‌ر مه‌ترسی نه‌خۆشی كۆرۆنا تۆماربوونی چوار حاڵه‌ت له پارێزگاكه، پاشان پلانه‌كان ڕاده‌گه‌یه‌ندرێت.