عیراق دەهەمین پیسترین وەلاتە ل جیهانێ
ئەڤرۆ نیوز:
ئاژانسا پاراستنا ژینگەها جیهانی، كو بارەگایێ وێ یێ سەرەكی ل ئەمریكایە، رێزبەندیا وان وەلاتان ئاشكرا كریە، یێن کو پیسترین ئاڤ و سەقا هەیە د جیهانێ دا، تێدا عێراق د رێزبەندیا دەهێ دا هاتیە.
وێ راپۆرتێ ئاماژە ب هندێ دایە، کو بەنگلادش پیسترین سەقا هەیە د جیهانێ دا، پشتی وێ پاكستان و مەنگۆلیا و ئەفغانستان دهێن.
د رێزبەندیا ڤێ ئاژانسێ دا ناڤێن پێنج وەلاتێن عەرەبی ل رۆژهەلاتا ناڤین دا هاتینە، كو سەقایەکێ پیس هەیە، ئەو ژی بەحرەین، سووریا، عێراق، ئیمارات و كوێتن.
ل سەر ئاستێ باژێرێن جیهانێ ژی، 21 باژێرێن هندستانێ ب پیسترین باژێرێن جیهانێ هاتینە دەست نیشان كرن.