گەنجەکێ ٢٠ سالی دناڤ لەهیێن زاخۆ دا خەندقی
ئەڤرۆ نیوز،عەلی حاجی :
ژبەر بلند بوونا رێژەیا ئاڤێ و دروست بوونا لەهیان دناڤ سەنتەرێ باژێرێ زاخۆ دا گەنجەکێ ٢٠ سالی دکەڤیتە دناڤ ئاڤێ دا و گیانێ خوە ژ دەست دا.
رائید بێوار عەبدولعەزیز بەرپرسێ راگەهاندنا بەرەڤانیا باژێری ل دهۆکێ بۆ ئەڤرۆ نیوز دیار کر ئەو گەنجێ ٢٠ سالیێ ل زاخۆ ئەڤرۆ ١٨/٣/٢٠٢٠ ل دەمژمێر ٢:٠٠ پشتی نیڤرۆ ل تاخێ بێدارێ ئەو گەنجە دکەڤیتە دناڤ ئاڤێ دا و لەشێ وی دناڤ ئاڤێ دا چوویە و ژبەر بلند بوونا رێژەیا ئاڤێ هەتا نوکە تەرمێ وی گەنجی نەهاتیە دیتن و ئەگەرێن کەڤتنا وی گەنجی دناڤ ئاڤێ ژی دا نەهاتیە زانین،،تیمێن مە ل بەرەڤانیا باژێری ل زاخۆ بەردەوامن ل سەر لێگەریانا تەرمێ وی گەنجی دا کو بهێتە دیتن.