دو یانەیێن ئینگلیزى داخوازیا وى كریه
ئه‌ڤرۆ نیوز:
راپورتێن رۆژنامه‌ڤانى ل ئیتالیا ئاشكراكرینه یانەیا ئه‌نتر میلان نابیته رێگر د رێیا چوونا به‌ره‌ڤانێ خوه یێ ئورگواى دیگو گودین ئه‌وێ ل هاڤینا بورى په‌یوه‌ندى ب یانەیێ كرى.
رۆژناما كاتشیو مێركاتو یا ئیتالى دیاركریه دو یانەیێن به‌رنیاس ل سه‌ر ئاستێ ئینگلته‌را دخوازن هه‌ڤبه‌ستێ ل گه‌ل وى به‌ره‌ڤانێ ئورگواى گودین ئیمزا بكه‌ن بۆ وه‌رزێ بهێت.
هه‌ردیسان هاتیه دیاركرن ژى ئه‌و هه‌ردو یانه هه‌ر ئێك ژ مانچێسته‌ر یونایتد دخوازن هه‌ڤبه‌ستێ ل گه‌ل گودین ئیمزا بكه‌ن ل جهێ به‌ره‌ڤانێ خوه كریس سمولینگ ئه‌وێ دبیت ب رێژه‌یا هه‌ره مه‌زن ل هاڤینا بهێت بفروشنه یانەیا روما ، ژلایه‌كێ دیڤه یانەیا توتنهام ژى هزر ل ئینانا گودین كریه ژبه‌ركو دبیت ئێك ژ به‌ره‌ڤانێن یانەیا توتنهام ل هاڤینا بهێت پێكهاتیێ یانەیێ ب جه بهێلت.
هه‌ژى گۆتنێ یه دییگو گودین یێ 34 سالى هاڤینا بورى هه‌ڤبه‌ست ل گه‌ل ئه‌نتەر میلان ئیمزاكر بوو هه‌ڤبه‌ستا ئه‌وى ل گه‌ل وێ یانەیا ئیتالى هه‌تا 2022 لێ به‌رپرسێن ئه‌نتەر ده‌رگه‌هێ چوونێ بۆ وى یاریزانى ڤه‌كریه كو به‌رى ئه‌و یاریزان په‌یوه‌ندى ب ئه‌نتەر میلان بكه‌ت بۆ ماوێ 9 سالان یارى ل یانەیا ئه‌نتەر میلان كر و 389 یارى ل گه‌ل وێ یانەیێ كربوون و ئه‌و یاریزانێ ناڤبرى هه‌ر ژ سالا 2006 وه‌ره هه‌تا نوكه یێ به‌رده‌وامه ل گه‌ل هه‌لبژارتیێ وه‌لاتێ خوه هه‌تا نوكه 135 یاریێن ده‌وله‌تى ل گه‌ل هه‌لبژارتیێ وه‌لاتێ خوه كرینه
