عیراقێ دو فه‌رمانده ره‌وانه‌ی دادگه‌ها سه‌ربازی كرن
ئه‌ڤرۆ نیوز:
دو فه‌رمانده‌یین بلندێن سوپایێ عیراقێ ب تومه‌تا گه‌نده‌لیێ ره‌وانه‌ی دادگه‌ها سه‌ربازی هاتنه‌كرن.
لگۆری نفیساره‌كێ كۆ ئیمزایا عوسمان غانمی سوپا سالارێ عیراقێ ل سه‌ره لیوا روكن ناسر ئه‌حمه‌د غنام داود فه‌رمانده‌یێ ئوپراسیونێن ئه‌نبار و موقه‌دم سه‌میر عابد حه‌مادی ل فه‌رمانده‌ییێ ره‌وانه‌ی دادگه‌ها سه‌ربازی هاتنه‌كرن.
ئه‌و دو فه‌رمانده‌یێن عیراقی ب تومه‌تا گه‌نده‌لیێ و دزینێ ژ پارێن سوپای ب ماده‌یا 63 ئێكێ و چارێ ل یاسایا سزادانا سه‌ربازی ل دادگه‌ها سه‌ربازی دێ هێنه دادگه‌هكرن، كۆ لگوری ئه‌وێ ماده‌یی سزایێ وان دگه‌هته 10 سال زیندانكرن و هه‌كه دزی ل ده‌مێ شه‌ری دا هاتبیته‌كرن سزایێ وان دبیته 15 سال زیندانیكرن.