ل سەر کێشەکا جڤاکی دو کەس هاتنە کوشتن
ئەڤرۆ نیوز، بارزان مزووری:
ژێدەرەکێ نێزیکی روودانێ ل ناحیا کەلەکچی، بۆ ئەڤرۆ نیوز گۆت: ل دەمژمێر ۱۰ شەڤ ۱۰/٤/۲۰۲۰ دناڤ سەنتەرێ ناحیا کەلەکچی یا سەر ب قەزا شێخان ڤه شەرەک دناڤبەرا دو بنەمالا روودا، د ئەنجام دا دو کەس هاتنە کوشتن و کەسەک ژی بریندار دبیت، پشتی هێزێن ئێمناهیێ گەهشتینە جهێ روودانێ شەر هاتە کونترۆل کرن و تەرمێن هەردو کوشتیان بۆ نەخوشخانا شێخان یا گشتی هتینە ڤەگۆهاستن کەسێ بریندار ژی بۆ نەخوشخانێ هاتە ڤەگۆهاستن.
ناڤهاتی خویاکر ژی، ئەڤ کێشە یا بەری سێ سالایە و دڤێ کێشێ دا هەتا نوکە پێنج کەس هاتینە کوشتن ژ هەردو لایان.