كۆرۆنا یێ زیان گه‌هاندیه مێشەڤانێن كوردستانێ
ئه‌ڤرۆنیۆز، سالار دۆسكى:
سه‌رۆكێ كومه‌لا مێشەڤانێن كوردستانێ دیاركر ،كو ب هاتنا ڤایرۆسێ كورونایێ زیان گه‌هشتیه مێشەڤانان و خواست سالا داهاتى حوكمه‌تا هه‌رێما كوردستانێ زێده‌تر پشته‌ڤان و هاریكارێ مێشەڤانان بیت.
عارف شێروانى سه‌رۆكێ كومه‌لا هه‌نگه‌ڤانێن كوردستانێ بۆ ئه‌ڤرۆ نیۆز ئاشكرا كر، كو ب هاتنا ڤایرۆسێ كورونایێ مێشەڤانێن كوردستانێ ب رێژا 30% زیان ڤێ كه‌فتیه و پێدڤیه بۆ سالا داهاتى حوكمه‌تا هه‌رێما كوردستانێ پلان هه‌بیت بۆ پتر هاریكاریا هه‌نگه‌ڤانان.
شێروانى ئه‌و ژى خۆیاكر كو هه‌تا مێشا هنگڤینى كیلویه‌كا شه‌مایێ دورست بكه‌ت دڤێت 17 كیلویێن هه‌نگڤینى بخوت، هه‌بوونا شه‌مایێ بو سندوقا دورست نابیت و دهێنه شكاندن و تایبه‌ت ده‌مێ ڤه‌گوهاستنێ دا و ئه‌ڤ چه‌ندە زیانێ دگەهینیتە مێشەڤانان.
شێروانى ئه‌و ژى ئاشكراكر كو نوكه وه‌ك پێدڤى نینه و سالا بورى ڤى ده‌مى مه گه‌له‌ك كار ئه‌نجام د دا و شلخێن ده‌ستى دهاتنه‌كرن و ئه‌ف ساله ده‌م نه‌بوو و ژ به‌ر نه‌بوونا رێكا نه‌شیاینه بچینه گه‌له‌ك جهان.
سه‌رۆكێ كومه‌لا مێشەڤانێن كوردستانێ هیڤى خواست سالا داهاتى حوكمه‌تا هه‌رێما كوردستانێ لدووڤ شیانێن خوه چه‌ندین پێدڤیێن مێشڤانان وه‌ك سالێن بورى دابین بكه‌ت و پشته‌ڤانى زێده‌تر بهێته‌كرن، دا زیانێن ئه‌ف ساله بهێنه قه‌ره‌بۆكرن.