له‌م پارێزگایه‌ی كوردستان كۆتایی كۆرۆنا ڕاگه‌یه‌ندرا
ئه‌ڤرۆ نیۆز، عه‌زیز هه‌ورامی:
به‌ڕێوه‌به‌رایه‌تی گشتی ته‌ندروستی پارێزگای هه‌ڵه‌بجه، ڕای گه‌یاند ئێستا له نه‌خۆشخانه‌كانمان هیچ توشبوویه‌كی تری كۆرۆنا نه‌ماوه ،ئه‌مڕۆ دوواترین توشبووی كۆرۆنا گه‌ڕێندرانه‌وه ماڵه‌وه.
ئازاد مسته‌فا به‌ڕێوه‌به‌ری گشتی ته‌ندروستی پارێزگای هه‌ڵه‌بجه، له كۆنگره‌یه‌كی ڕۆژنامه‌نوسی، ڕایگه‌یاند:” ئه‌مڕۆ دوو كه‌سی تر له توشبووانی كۆرۆنا پشكنینه‌كانیان ده‌ریخست چاك بوونه‌ته‌وه ،ئه‌مڕۆ نه‌خۆشخانه‌یان به‌جێ هێشت و گه‌ڕانه‌وه بۆ ماڵه‌وه.
ئازاد مسته‌فا وتییشی: ئێستا ئێستە هیچ تووشبوویەكی ڤایرۆسی كۆرۆنا لە هەڵەبجە نەماوە و داوا لە هاووڵاتییان دەكەین زیاتر خۆیان بپارێزن تا رووبەڕووی شەپۆلێكی تری كۆرۆنا نەبینەوە.
باسی لەوەش كرد، نەخۆشخانەی تایبەت بە كۆرۆنا بەردەوام دەبێت و پێویستە هاووڵاتییان ئەگەر نیشانەیەكی گوماناوییان هەبێت، سەردانی فریاكەوتن نەكەن، بەڵكو سەردانی ئەو نەخۆشخانەیە بكەن. له پارێزگای هه‌ڵه‌بجه 22 توشبووی كۆرۆنا تۆماركرا و ئه‌مڕۆ ته‌واوی توشبووانی كۆرۆنا چاك بوونه‌وه گه‌ڕانه‌وه ماڵه‌وه.