ل سلێمانیێ سێ حالەتێن توشبوون ب کۆرۆنا یێ هاتنە تۆمار کرن
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، سێ کەسێن دی ل سلێمانیێ تووشی کۆرۆنا یێ بووینە، کو هەموو وان بەرکەفتیێن توشبوویێن بەرێ نە.
وەزارەتا ساخلەمیا هەرێمێ بەلاڤکریە ژی، د بەردەوامیا پشکنین و لێگەریانێ لدووڤ گومانلێکریان، سێ توشبوویێن دی یێن کۆرۆنا یێ ل پارێزگەها سلێمانیێ هاتنە دەست نیشانکرن.
دیار کر ژی، ژنەکا د ژیێ ٢٦ سالیێ و کچەکا د ژیێ ١٤ سالیێ و زارۆیەکێ د ژیێ ٨ سالیێ دا تووشی کۆرۆنا یێ بووینە، کو ئاکنجیێن شارباژێر بووینە ل سلێمانیێ و تێکەلی توشبوویێن بەرى نوکە بووینە.