بسپۆرەکێ دارایا گشتی: ڤێ ھەیڤێ دێ بھایێ پەتڕۆلێ بلند بیت
ئەڤرۆ نیۆز، قائید میرۆ:
داکەتنا بھایێ پەتڕۆلێ زیانێن مەزن ب ئابوورا جیھانێ گەھاندینە و بسپۆرەکێ دارایا گشتی ژی پێشبینی دکەت بھایێ پەتڕۆلێ ل دەمەکێ نێزیک بگەھیتە زێدەتری ٤٠ دۆلاران.
دکتۆر سەباح خۆشناو، بسپۆرێ دارایا گشتی د داخویانیەکێ بۆ مالپەڕێ ئەڤرۆ نیۆز ئاشکراکر” پێشبینی دھێتەکرن ڤێ ھەیڤێ بھایێ پەتڕۆلێ ل بازاڕێن جیھانێ بەرەف بلندبوونێ بچیت و بھایێ ئێک بەرمیل دێ گەھیتە زێدەتری ٤٠ دۆلارێن ئەمریکی، بڤێ چەندێ ژی دێ زیانێن ل سەر ئابووریا جیھانێ بەرەف کێمبوونێ چن.
دکتۆر سەباح خۆشناو ئاماژەکر” ئەگەر بھایێ پەتڕۆلێ بلند ببیت، ئەڤە دێ ھەر دو حوکمەتێن ھەرێما کوردستانێ و عێراقێ گەھنە رێککەفتنێ و ئاریشەیا مووچێ فەرمانبەرێن ھەرێما کوردستانێ ژی دێ ھێتە چارەسەرکرن و مەترسی لسەر مووچەی نامینیت.
