ئێکەتیا ئورۆپا: دەست ب کاربوونا مستەفا کازمی دێ سەقامگیریێ بۆ عیراقێ ڤەگەرینیت
ئەڤرۆ نیوز:
ئێکەتیا ئورۆپا جه‌خت ل هندێ دکەت، کو دەس ب کاربوونا مستەفا کازمی وه‌ك سه‌رۆك وه‌زیرێن عیراقێ دێ سەقامگیریێ بۆ وی وەلاتی ڤەگەرینیت.
جۆزێپ بۆرێل، بەرپرسێ سیاسەتا دەرڤە یا ئێکەتیا ئورۆپا گوتیە: حوکمەتا نوو یا عیراقێ ب سەرۆكاتیا مستەفا کازمی پێنگاڤەکا ئێکلا کەرە بۆ ڤەگەراندنا سەقامگیریێ و زالبوون ل سەر وان تەحەدیێن روو ب روو عیراقێ بووین.
بۆرێلی گۆتیە ژی: ئێکەتیا ئورۆپا پابەندە ب کارکرنێ ل گەل مستەفا کازمی بۆ بەر قەرارکرنا ئاشتی و شەفافیەتێ و دیموکراسیێ ل عیراق و جێبه‌جێكرنا داخوازیێن رەوا یێن گەلێ عیراقێ.
