سەرۆک بارزانی سەرەخۆشیێ ل خێزانا پێشمەرگەیەکێ دکەت
ئەڤرۆ نیوز:
سەرۆک مەسعود بارزانی سەرەخۆشیێ ل خێزانا پێشمەرگێ هەر دو شۆرەشێن ئەیلول و گۆلانێ عەبدولرەحمان حاجی عەلی دکەت، ئەڤە ژی دەقێ پەیاما سەرۆک بارزانی یە.
ب ناڤێ خودێ مەزن و دلۆڤان
ب داخ و خەمەکا زۆر ڤە، نووچەیێ وەغەرا دووماهیێ یا کەسایەتیێ نشتیمانپەوەر و پێشمەرگێ هەر دو شۆرەشێن ئەیلول و گۆلانێ عەبدولرەحمان حاجی عەلی گەهشتە مە.
خودێ ژێ رازی عەبدولرەحمان حاجی عەلی رۆلەکێ بەرچاڤ د هەر دو شۆرەشێن ئەیلولا مەزن و گۆلانێ دا هەبوویە و ب درێژاهیا ژیێ خوە خزمەتا رێبازا بارزانی و کوردایەتیێ کریە و ژ دەستدانا وی زیانەکا گەلەک مەزنە.
سەرەخوشیێ ل خێزانا تێکوشەرێ خودێ ژێ رازی عەبدولرەحمان حاجی عەلی و هەموو کەسوکارێن وی دکەین و خوە ب شریکێ خەما هەوە دزانین.
ژ خودایێ مەزن دخوازین گیانێ کاک عەبدولرەحمان حاجی عەلی بێخیتە بەر رەحمەتا خوە و ئۆقرەیی و ئارامیێ ببەخشیتە ھەموو ئالیان.
انا للە و انا الیە راجعون
مەسعود بارزانی
٩ی٥ی٢٠٢٠
