ئەندامەکێ لژنا دارایی: کازمی سۆز دایە بەری جەژنێ مووچەکێ بۆ هەرێما كوردستانێ بهنێریت
ئەڤرۆ نیوز:
ئەندامەکێ لژنا دارایی ل پەرلەمانێ عیراق گۆت: مستەفا کازمی سۆز دایە بەری جەژنێ مووچێ فەرمانبەرێن هەرێما کوردستانێ بهنێریت، ئەو دەنگۆیە ژی رەتکرینە یێن کو دبێژن، ل ڤان نێزیکان بەغدا پێشنیارەکا وەسا كربیت، کو راستەوخۆ مووچێ فەرمانبەرێن كوردستانێ بدەت.
ئەحمەد حاجی رەشید، ئەندامێ لژنا دارایی ل پەرلەمانێ عیراقێ دیار کریە: نوکە بەغدا چ پێشنیارەکا وەسا نەكریە، کو راستەوخۆ ئەو ب خوە مووچێ فەرمانبەرێن هەرێما كوردستانێ دابەش بكەت.
هەروەسا ئەحمەد حاجی رەشید دبێژیت ژی: ل ڤان دووماهیان د كۆمبوونەکێ دا مستەفا كازمی سەرۆك وەزیرێن عیراقێ بەحسێ هندێ کریە، کو بەری جەژنا رەمەزانێ دێ مووچەکێ بۆ هەرێما كوردستانێ هنێریت، بەلێ هێشتا ئەو چەندە ئێكلایی نەبوویە، کەنگی و چاوا دێ وی مووچەی هنێریت.
