فرۆکێن تورکی گوندێ دەرگەلا مۆسا بەگێ بوردۆمان کر
ئەڤرۆ نیوز، زنار تۆڤی:
ئەڤرۆ دوشەمبی 18 گولانا 2020، ب بەهانەیا هەبوونا چەکدارێن پەکەکێ، فرۆکێن سوپایێ تورکی گوندێ دەرگەلا موسا بەگێ ل دەڤەرا بەرواری بالا یێ سەر ب قەزا ئامێدیێ ڤە بوردۆمان کر.
وەلاتیەکێ گوندی ب ناڤێ گوهدار بۆ ئەڤرۆ نیوز دیار کر: ل دەمژمێر 4:30 ئێڤاریی فرۆکێن تورکی ئاقارێ گوندێ وان بوردۆمان کریه و ڤێ چەندێ زیانەکا مادی یا مەزن گەهاندیە مالێن گوندیان و پەنجەرێن وان شکاندینە، دیسان ئاقارێ وان نێزیکی گوندیە، لەوما ژ ئەگەرێ دەنگێ وان بۆمبەیان ترس ل دەف خەلکێ گوندی پەیدابوویە و گەلەک زیان گەهاندیە مالێن وان و ئاقارێ وان ژی.
گوندێ دەرگەلا مۆسا بەگێ، ئێکە ژ گوندێن ناحیا کانی ماسێ و گوندەکێ ئاڤا یە، نوکە چەندین خێزان ل سەر گوندی دژین.
