ته‌رمێ گه‌نجه‌كێ ب خه‌ندقى ل ده‌ڤه‌را بارزان هاته دیتن
ئه‌ڤرۆ نیوز، نه‌وزاد هلۆرى:
تیمێن نقومڤانێن سه‌ر ب به‌ره‌ڤانیا باژێرى ل قه‌زا مێرگه‌سوورێ پشتى 10 روژان شیان ته‌رمێ ئه‌و گه‌نجێ كه‌فته د ئاڤا رووبارێ چامه یا سه‌ر ده‌ڤه‌را بارزان خه‌ندقى ببینن.
عیماد رێكانى، رێڤه‌به‌رێ به‌ره‌ڤانیا باژێرى ل مێرگه‌سوور بۆ ئه‌ڤرۆ نیوز گۆت: (10 روژان به‌رى نوكه گه‌نجه‌ك كه‌فته د رووبارێ چامه یا سه‌ر ب ده‌ڤه‌را بارزان و خه‌ندقى، سوپاس بو خودێ پشتى لێگه‌ریانا چه‌ند روژان تیمێن نقومڤانێن سه‌ر ب به‌ره‌ڤانیا باژێرى ل مێرگه‌سوور شیان ته‌رمێ وى بینن و ده‌ربینن و ره‌وانه‌یێ نوژداریا داد ل سوران بكه‌ن).
زێده‌تر گۆت: (ناڤێ وى ئونال كه‌یفى عادله و ژیێ وى 20 ساله و خه‌لكێ ناوحیا شێروان مه‌زن یا سه‌ر ب ده‌ڤه‌را بارزانه، بو بوراندنا ده‌مه‌كێ خوش قه‌ستا سه‌ر رووبارى كر بوو، به‌لێ جهێ داخێ یه كه‌فته د رووبارى دا و خه‌ندقى).
ناڤبرى دیاركر ژى كو نوكه ته‌رمێ وى بو پشتراستبوون هاتیه ره‌وانه‌كرن بۆ نوژداریا داد ل سوران و پاشان دێ هێته راده‌ستكرن بو خودانان.
