ئێكه‌تیا ته‌پاپێ یا كوردستانێ: خولا هه‌رێمێ هاته هه‌لوه‌شاندن
ئەڤرۆ نیوز:
پشتى چار هه‌یڤان، ئێكه‌تیا ته‌پاپێ یا كوردستانێ د كۆمبوونه‌كێ دا بریارا هه‌لوه‌شاندنا خولا نایابا كوردستانێ دا، ژبه‌ر ئه‌گه‌رێ راوه‌ستاندنا یاریان بۆ ده‌مه‌كێ درێژ ژ ئه‌گه‌رێ ڤایروسێ كۆرۆنایێ.
ئه‌ڤ هه‌لوه‌شاندنه ب زۆرینه‌یا ده‌نگێت ئه‌ندامان بوو، كو پێكهات بوون ژ هه‌شت ئه‌ندامان پێنج ژ وان ئه‌ندامان ده‌نگ ب هه‌لوه‌شاندنا خولێ دا ل به‌رامبه‌ر سێ ئه‌ندامان كو ده‌نگێ خوە نه‌دا ب هه‌لوه‌شاندنا خولێ و رازى نه‌بوون.
هه‌ر لدووڤ وێ ده‌نگدانێ ناسناڤێ خولێ ب یانا نه‌وروز پێشه‌نگا نوكه یا رێزبه‌ندیا خولێ هاته‌دان و یانا برایه‌تى رێزا دویێ بده‌ست خوەڤه ئینا.
دیسان چ یانه دانابه‌زنه خولا پله ئێك و یانا ئارارات ژى كو ژ ده‌ستپێكا خولێ خو ڤه‌كێشا بوو، به‌لێ دێ هه‌ر مینیته ل خولا نایاب.
